Farmer to terrorist ਅੰਨਦਾਤੇ ਤੋਂ ਅੱਤਵਾਦੀ
ਅੰਨ ਦਾਤੇ ਤੋਂ ਅੱਤਵਾਦੀ ਅਖਵਾਵੋਗੇਹੱਕ ਮੰਗਿਆ ਤਾਂ ਜੇਲ੍ਹਾਂ ਦੇ ਵਿੱਚ ਜਾਵੋਗੇ
ਦੇਸ਼ ਮੇਰੇ ਦੀ ਇਹੀ ਫਿਤਰਤ ਸਦੀਆਂ ਤੋਂ
ਉਹੀਓ ਮਾਰੇ ਜਿਹਨੂੰ ਤੁਸੀਂ ਬਚਾਵੋਗੇ
ਚੰਦੂ, ਗੰਗੂ ਇੱਥੇ ਘਰ-ਘਰ ਜੰਮਦੇ ਨੇ
ਨਾ ਜੰਮਣ ਇਹ, ਕਿਹੜਾ ਪਾਠ ਪੜ੍ਹਾਵੋਗੇ
ਗਧੇ-ਘੋੜੇ ਦੀ ਵੋਟ ਹੈ ਚੁਣਦੀ ਰਾਜਿਆਂ ਨੂੰ
ਇਹ ਗਧਿਆਂ ਦੀ ਗਿਣਤੀ ਕਿਵੇਂ ਘਟਾਵੋਗੇ
ਕੁਰਬਾਨੀ ਤੇ ਕੁਰਬਾਨੀ ਫਿਰ ਕੁਰਬਾਨੀ
ਜਾਲਮੋ ਕਿੰਨੀਆਂ ਲਾਸ਼ਾਂ ਹੋਰ ਵਿਛਾਵੋਗੇ
ਤਖਤ ਪਲਟਦੇ, ਰਾਜ ਬਦਲਦੇ ਰਹਿੰਦੇ ਨੇ
ਕਿੰਨਾ ਚਿਰ ਤੁਸੀਂ ਐਦਾਂ ਰਾਜ ਚਲਾਵੋਗੇ
'ਵਾਟਾਂਵਾਲੀਆ' ਵੇਖੇ ਇਸ ਯੁਗ ਗਰਦੀ ਨੂੰ
ਤੁਸੀਂ ਕਿੰਨੇ ਘੱਲੂਘਾਰੇ..ਹੋਰ ਲਿਆਵੋਗੇ ?
ਅੰਨ ਦਾਤੇ ਤੋਂ ਅੱਤਵਾਦੀ ਅਖਵਾਵੋਗੇ
ਹੱਕ ਮੰਗਿਆ ਤਾਂ ਜੇਲ੍ਹਾਂ ਦੇ ਵਿੱਚ ਜਾਵੋਗੇ
ਜਸਬੀਰ ਵਾਟਾਂਵਾਲੀਆ
Post a Comment