Punjab : Your Friend Is Allah! ਪੰਜਾਬ ਸਿਆਂ...ਤੇਰਾ ਬੇਲੀ ਅੱਲਾਹ!

 ਪੰਜਾਬੀ ਅਖਾਣ-ਮੁਹਾਵਰੇ

BEST AND BIGGEST COLLECTIONS OF AKHAAN-BY JASBIR WATTAWALI

‘ਪ’ ਅੱਖਰ ਤੋਂ ਲੈ ਕੇ ‘ਮ’ ਅੱਖਰ ਤੱਕ ਅਖਾਣ

1. ਪਈ-ਪਈ, ਮੂਲੋ ਵੀ ਗਈ।
2. ਪਏ ਭੈੜਿਆਂ ਦੇ ਪੈਰ, ਝੱਟ ਉਜੜ ਗਏ ਸ਼ਹਿਰ।
3. ਪਹਾੜ ਦੂਰੋਂ ਹੀ ਹਰੇ ਦਿਸਦੇ ਨੇ।
4. ਪਹਾੜਾਂ ਨਾਲ ਟੱਕਰਾਂ ਮਾਰਿਆਂ ਸਿਰ ਹੀ ਪਾੜਦੈ।
5. ਪਹਾੜੀਂ ਗਏ ਅੱਕ ਮਿੱਠੇ ਨਹੀਂ ਹੁੰਦੇ।
6. ਪਹਾੜੀ ਯਾਰ ਕਿਸ ਕੇ, ਚੌਲ ਖਾਧੇ ਖਿਸਕੇ।
7. ਪਹਿਲਾਂ ਉਧਾਰ, ਪਿੱਛੋਂ ਖੁਆਰ।
8. ਪਹਿਲਾਂ ਖੁੱਲ੍ਹਾ ਆਟਾ ਪਾਵਾਂ, ਪਿੱਛੋਂ ਮੰਗਦੀ ਫਿਰੇ ਭਰਾਵਾਂ।
9. ਪਹਿਲਾਂ ਪੱਕੇ, ਪਹਿਲਾਂ ਗਲ਼ੇ।
10. ਪਹਿਲਾਂ ਪੂਤ, ਪਛੇਰੀ ਮਾਈ।
11. ਪਹਿਲਾਂ ਮਰਣੁ ਕਬੂਲ, ਜੀਵਣ ਕੀ ਛਡਿ ਆਸ।
12. ਪਹਿਲਾਂ ਮਾਰੇ, ਸੋ ਮੀਰੀ, ਪਿੱਛੋਂ ਮਾਰੇ ਤਾਂ ਕੀੜੀ।
13. ਪਹਿਲੇ ਸਾਲ ਚੱਟੀ, ਦੂਜੇ ਸਾਲ ਹੱਟੀ, ਤੀਜੇ ਸਾਲ ਖੱਟੀ।
14. ਪਹਿਲੇ ਦਿਨ ਪ੍ਰਾਹੁਣਾ, ਦੂਜੇ ਦਿਨ ਧਰਾਉਣਾ, ਤੀਜੇ ਦਿਨ ਦਾਦੇ ਮੰਗਾਹੁਣਾ।
15. ਪਹਿਲੋਂ ਆਇਆ, ਸੋ ਪਾਇਆ।
16. ਪਹਿਲੋਂ ਆਪ, ਪਿੱਛੋਂ ਬਾਪ।
17. ਪਹਿਲੋਂ ਸ਼ਾਹ, ਪਿੱਛੋਂ ਬਾਦਸ਼ਾਹ।
18. ਪਹਿਲੋਂ ਪੇਟਾ, ਪਿੱਛੋਂ ਬੇਟਾ।
19. ਪਹਿਲੋਂ ਰਿਹਾ ਸੋਤਾ, ਤੇ ਕੁਚੱਜੀ ਕੁੱਨਾ ਧੋਤਾ।
20. ਪੱਕੀ ਖੇਤੀ ਵੇਖ ਕੇ, ਭੁੱਲ ਬੈਠਾ ਕਿਰਸਾਣ, ਝਖੜ ਝੋਲਾ ਬਹੁਤ ਹੈ, ਘਰ ਆਵੇ ਤਾਂ ਜਾਣ।
21. ਪੱਗ ਵੇਚ ਕੇ ਘਿਓ ਨਹੀਂ ਖਾਈਦਾ।
22. ਪੱਗਾਂ ਵੀ ਰੱਬ ਉਹਨਾਂ ਨੂੰ ਦਿੰਦਾ, ਜਿਨ੍ਹਾਂ ਨੂੰ ਬੰਨ੍ਹਣੀਆਂ ਨਹੀਂ ਆਉਂਦੀਆਂ।
23. ਪੰਚਾਂ ਦਾ ਕਿਹਾ ਸਿਰ ਮੱਥੇ, ਪਰ ਪਰਨਾਲਾ ਉਥੇ ਦਾ ਉੱਥੇ।
24. ਪੱਛੋਂ ਚਲੇ ਸੰਗ ਬਦਲੀ, ਰੰਨ ਮਲਾਈ ਖਾਇ, ਉਹ ਬਰਸੇ, ਉਹ ਉਧਲੇ, ਕਿਹਾ ਨਾ ਬਿਰਥਾ ਜਾਇ।
25. ਪੰਜ ਉਗਲਾਂ ਤੋਂ ਪਹੁੰਚਾ ਭਾਰਾ।
26. ਪੰਜ ਸਾਲ, ਤੇ ਇਕ ਬਾਲ ਪਾਲ਼
27. ਪੰਜਾਂ ਵਿੱਚ ਪਰਮੇਸ਼ਰ।
28. ਪੰਜਾਬੀ ਦਾ ਹੱਥ, ਹਿੰਦੁਸਤਾਨੀ ਦੀ ਜੁਬਾਨ, ਪਠਾਣ ਕਾ ਪੂਤ, ਕਦੀ ਜਿੰਨ ਕਦੀ ਭੂਤ।
29. ਪੰਜੀਂ ਮਿੱਤ, ਪੰਜਾਹੀਂ ਠਾਕੁਰ।
30. ਪੰਜੀਂ ਮੀਤ, ਪਜਾਹੀਂ ਚਾਦਰ।
31. ਪੰਜੇ ਉਗਲਾਂ ਕਦੇ ਵੀ ਇੱਕੋ ਜਿਹੀਆਂ ਨਹੀਂ ਹੁੰਦੀਆਂ।
32. ਪੰਜੇ ਉਂਗਲਾਂ ਘਿਓ ਚ, ਤੇ ਸਿਰ ਕੜਾਹੀ ਚ।
33. ਪੱਟਿਆ ਪਹਾੜ! ਨਿਕਲਿਆ ਚੂਹਾ!
34. ਪੱਟੋਂ ਗਏ, ਪਰੋਲਿਓਂ ਤਾਂ ਨਹੀਂ ਗਏ।
35. ਪਠਾਣ ਕਾ ਪੂਤ, ਘੜੀ ਵਿੱਚ ਔਲੀਆ, ਘੜੀ ਵਿਚ ਭੂਤ।
36. ਪੱਠੇ ਖਾ ਗਈ ਗਾਂ, ਗੁੱਸਾ ਵੱਛੇ ’ਤੇ।
37. ਪੰਡਿਤ, ਵੈਦ, ਮਸ਼ਾਲਚੀ, ਤਿੰਨੇ ਇੱਕ ਸਮਾਨ, ਲੋਕਾਂ ਵੰਡਣ ਚਾਨਣਾ ਆਪ ਹਨੇਰੇ ਜਾਣ।
38. ਪਤ ਪ੍ਰਤੀਤ, ਖੜੀ ਨੀਤ।
39. ਪੱਤ, ਪ੍ਰਤੀਤ ਤੇ ਖਰੀ ਰੀਤ।
40. ਪੱਤਣ ਮਲਾਹ ਨਾ ਛੇੜੀਏ, ਤੇ ਹੱਟੀ ਉੱਤੇ ਕਰਾੜ।
41. ਪਤਾ ਨਾ ਥਹੁ, ਤੇ ਲੈ ਦੇ ਔਹ।
42. ਪੱਥ ਨਾ ਜਾਣਾ ਮੱਘੀਆਂ, ਮੈਂ ਟਿੰਡਾਂ ਦਾ ਉਸਤਾਦ।
43. ਪੱਥਰ ਨਾ ਸੁਣੇ ਫਰਿਆਦ ਕਿਸੇ ਦੀ,......
44. ਪੱਥਰ ਨਾਲੋਂ ਚੱਕੀ ਭਲੀ, ਜੋ ਪੀਸੇ ਸੰਸਾਰ।
45. ਪੱਥਰਾਂ ਨੂੰ ਜੋਕਾਂ ਨਹੀਂ ਲੱਗਦੀਆਂ।
46. ਪੱਦ, ਛਿੱਕ ਤੇ ਡਕਾਰ ਤਿੰਨੇ ਦੇ ਸ਼ਿੰਗਾਰ।
47. ਪਰ ਘਰ ਗਈ ਨਾ ਬਹੁੜੇ, ਪੋਥੀ, ਕਾਨੀ, ਨਾਰ, ਟੁੱਟੀ ਭੱਜੀ ਆ ਮੁੜੇ, ਜੇ ਮੁੜੇ  ਕਰਤਾਰ।
48. ਪਰ ਮਰੇ, ਪਰਮੇਸ਼ਰ ਜਾਗੇ।
49. ਪਰਛਾਵੇਂ ਨਾਲ ਤਾਂ ਤੁਰ ਪੈਂਦੇ ਨੇ, ਪਰ ਹੱਥ ਨਹੀਂ ਆਉਂਦੇ।
50. ਪਰਤਿਆਈ ਘੁਮਿਆਰੀ ਕਦੇ ਗਧੇ ਤੇ ਨਹੀਂ ਚੜ੍ਹਦੀ!
51. ਪਰਾਇਆ ਸੇਰ, ਪੰਸੇਰੀ ਬਰਾਬਰ।
52. ਪਰਾਇਆ ਗਹਿਣਾ, ਕੀ ਫੁੱਲ-ਫੁੱਲ ਬਹਿਣਾ?
53. ਪਰਾਈ ਆਸ, ਸਦਾ ਨਿਰਾਸ।
54. ਪਰਾਈ ਥਾਲੀ ਵਿੱਚ ਲੱਡੂ ਵੱਡਾ।
55. ਪਰਾਏ ਸਿਰ ਮੋਹਲਾ, ਕਪਾਹ ਤੋਂ ਹੌਲ਼ਾ।
56. ਪਰਾਏ ਹੱਥ ਪੇੜਾ, ਮੋਟਾ।
57. ਪਰਾਏ ਹੱਥੀਂ ਕਹੀ, ਹੌਲੀ।
58. ਪਰਾਏ ਪੀਰ ਨੂੰ ਮਲੀਂਦਾ, ਤੇ ਘਰ ਦੇ ਨੂੰ ਧਤੂਰਾ
59. ਪਰਾਏ ਪੈਰੀਂ ਦੌੜੀਏ, ਕੋਹ ਕਦਮਾਂ ਜਿੱਡੇ।
60. ਪਰਾਏ ਮੰਡੇ, ਅੰਮਾਂ ਦਾਤੀ।
61. ਪਰੀਆਂ ਦੀ ਪਰ੍ਹੇ, ਤੇ ਭੂਤਨੇ ਪੈਂਚ।
62. ਪਰੌਂਠੇ-ਪਰੌਂਠੇ ਆਖਿਆ ਢਿੱਡ ਨਹੀਂ ਭਰਦਾ।
63. ਪਰ੍ਹੇ ਵਿੱਚ ਬਹਿ ਕੇ ਟੋਕੀਏ ਨਾ ਗੱਲ ਨੂੰ।...........
64. ਪੱਲੇ ਹੋਵੇ ਸੱਚ ਤਾਂ ਨੰਗਾ ਹੋ ਕੇ ਨੱਚ।
65. ਪੱਲੇ ਨਹੀਂ ਸੇਰ ਆਟਾ, ਤੇ ਹੀਂਗਦੀ ਦਾ ਸੰਘ ਪਾਟਾ।
66. ਪੱਲੇ ਰਿਜਕ ਨਾ ਬੰਨ੍ਹਦੇ, ਪੰਛੀ ਤੇ ਦਰਵੇਸ਼।
67. ਪੜ ਪਿਆ, ਤੇ ਸਾਕ ਗਿਆ।
68. ਪੜਿਆ ਹੈ, ਗੁੜ੍ਹਿਆ ਨਹੀਂ।
69. ਪੜਿਆ ਪੁੱਤ ਭੜ੍ਹਾਕੂ ਦਾ, ਤੇ 16 ਦੂਣੀ ਅੱਠ।
70. ਪੜ੍ਹਿਆ ਨਹੀਂ ਊੜਾ, ਤੇ ਨਾਂ ਵਿੱਦਿਆ ਸਾਗਰ।
71. ਪੜ੍ਹਿਆ ਮੂਰਖ ਆਖੀਐ, ਜਿਸ ਲਭੁ, ਲੋਭ, ਅਹੰਕਾਰ।
72. ਪੜ੍ਹੇ ਫਾਰਸੀ ਵੇਚੇ ਤੇਲ, ਕੀ ਵੇਖੋ ਕੁਦਰਤ ਦਾ ਖੇਲ।
73. ਪਾਈ ਵਾਲਾ ਸੰਗੇ, ਤੇ ਪੜੋਪੀ ਵਾਲਾ ਮੰਗੇ।
74. ਪਾਂਸਾ ਪਏ, ਅਨਾੜੀ ਜਿੱਤੇ।
75. ਪਾਟਿਆ ਸੀਵੀਂਏਂ ਨਾ, ਤੇ ਰੁੱਸਿਆ ਮਨਾਈਏ ਨਾ, ਤਾਂ ਗੱਲ ਕਿਵੇਂ ਬਣੇ ?
76. ਪਾਣੀ ਸਦਾਂ ਨਿਵਾਣਾ ਨੂੰ ਹੀ ਵਹਿੰਦੇ ਨੇ।
77. ਪਾਣੀ ਖੂਹ ਦਾ, ਤੇ ਘਾਹ ਜੂਹ ਦਾ।
78. ਪਾਣੀ ਚ ਹੱਗਿਆ, ਮੂੰਹ ਚ।
79. ਪਾਣੀ ਤਾਂ ਪੁਲ਼ਾਂ ਥੱਲੋਂ ਹੀ ਲੰਘਣਾ।
80. ਪਾਣੀਂ ਨਾਲੋਂ ਖੂਨ ਗਾੜ੍ਹਾ।
81. ਪਾਣੀ ਨੂੰ ਪੁਣ-ਪੁਣ ਕੇ ਪੀਣ ਵਾਲੇ, ਲਹੂ ਅਣਪੁਣਿਆਂ ਹੀ ਪੀ ਜਾਂਦੇ ਨੇ।
82. ਪਾਣੀ ਪੀ ਕੇ ਜਾਤ ਕੀ ਪੁੱਛਣੀ।
83. ਪਾਣੀਂ ਪੀਏ ਪੁਣਕੇ, ਤੇ ਮੁਰਸ਼ਦ ਧਾਰੀਏ ਚੁਣ ਕੇ।
84. ਪਾਣੀ ਭਰਨ ਸੁਆਣੀਆਂ, ਰੰਗੋ-ਰੰਗ ਘੜੇ, ਭਰਿਆ ਉਸਦਾ ਜਾਣੀਏ ਜੀਹਦਾ ਤੋੜ ਚੜੇ।
85. ਪਾਪ ਦੀ ਬੇੜੀ ਡੁੱਬਦੀ, ਡੁੱਬਦੀ ਹੈ।
86. ਪਾਪਾਂ ਬਾਝ ਨਾ ਹੋਏ ਇਕੱਠੀ, ਮੋਇਆਂ ਸਾਥਿ ਨਾ ਜਾਈ।
87. ਪਾਪੀ ਕੇ ਮਾਰਨੇ ਕੋ, ਪਾਪ ਮਹਾਂਬਲੀ।
88. ਪਾਰ ਵਾਲੇ ਕਹਿਣ ਉਰਾਰ ਵਾਲੇ ਚੰਗੇ, ਤੇ ਉਰਾਰ ਵਾਲੇ ਕਹਿਣ ਪਾਰ ਵਾਲੇ ਚੰਗੇ।
89. ਪਾਲ਼ਾ ਗਿਆ ਸਰਾਂਗਲੇ, ਅੱਧਾ ਲੰਘਿਆ ਮਾਘ।
90. ਪਾਲ਼ਾ ਪੋਹ, ਨਾ ਪਾਲ਼ਾ ਮਾਘ, ਪਾਲ਼ਾ 'ਵਾ ਦਾ।
91. ਪਾਲ਼ੇ ਵਿੱਚ ਗੋਡੇ ਢਿੱਡ ਨੂੰ ਆਉਂਦੇ ਨੇ।
92. ਪਾਵੇ ਹਰ ਕੋਈ, ਠਣਕਾਵੇ, ਕੋਈ-ਕੋਈ।
93. ਪਿਓ ਹੁੰਦਿਆਂ ਹਰਾਮੀ ਕੌਣ ?
94. ਪਿਓ ਨਾ ਮਾਰੀ ਪਿੱਦੀ ਕਦੇ, ਪੁੱਤਰ ਤੀਰ-ਅੰਦਾਜ।
95. ਪਿਛਵਾੜੇ ਹੱਗਿਆਂ ਵੈਰ ਨਹੀਂ ਨਿਕਲਦੇ।
96. ਪਿੰਡ ਉੱਜੜ ਜਾਂਦਾ, ਪਰ ਨਿਸ਼ਾਨ ਨਹੀਂ ਮਿਟਦੇ। ਜਸਬੀਰ ਵਾਟਵਾਲੀਆ
97. ਪਿੰਡ ਉਜੜਿਆ ਜਾਵੇ, ਤੇ ਕਮਲੀ ਗਹੀਰੇ ਪੱਥੇ।
98. ਪਿੰਡ ਉਜਾੜੇ ਚੌਧਰੀਆਂ, ਵਸਾਵਣ ਵਾਲਾ ਕੌਣ।
99. ਪਿੰਡ ਸੜਿਆ, ਤੇ ਜੋਗੀ ਟਿੱਲੇ ਚੜ੍ਹਿਆ।
100. ਪਿੰਡ ਦੀ ਕੁੜੀ ਤੇ ਸ਼ਹਿਰ ਦੀ ਚਿੜੀ।
101. ਪਿੰਡ ਬੱਝਾ ਨਹੀਂ ਤੇ ਮੰਗਤੇ ਪਹਿਲਾਂ ਹੀ
102. ਪਿੰਡ ਵਸਿਆ ਨਹੀਂ, ਤੇ ਉਚੱਕੇ ਮੂਹਰੇ।
103. ਪਿੰਡ ਵਸੇ ਅਵੀਂ-ਜਵੀਂ, ਮੰਗਣ ਗਿਆਂ ਨੂੰ ਕਾਹਦੀ ਕਮੀਂ।
104. ਪਿੰਡਾ ਵੇ ਅਗਾਂਹ ਪੁੱਤਾ ਵੇ ਪਿਛਾਂਹ।
105. ਪਿਤਾ ਪਰ ਪੂਤ, ਨਸਲ ਪਰ ਘੋੜਾ, ਬਹੁਤਾ ਨਹੀਂ ਤਾਂ ਥੋੜ੍ਹਾ-ਥੋੜ੍ਹਾ।
106. ਪੀ ਓ ਸ਼ੇਰਾ ਪੀ, ਤੈਨੂੰ ਕਿਸੇ ਨਾਲ ਕੀ ?
107. ਪੀਓ ਭੰਗ ਤੇ ਸਵੋਔ ਬਾਗ਼ੀਂ, ਪਿਛਲੇ ਜਿਉਣਗੇ ਆਪਣੇ ਭਾਗੀਂ।
108. ਪੀਸਣ ਵਾਲੀ ਪੀਹ ਕੇ ਉੱਠੂ, ਪਕਾਉਣ ਵਾਲੀ ਪਕਾ ਕੇ, ਸੱਥਰ ਵਾਲੀ ਵਿਚਾਰੀ ਖਾਲੀ ਉੱਠੂ।
109. ਪੀਸਣਾ ਘੜੀਸਣਾ, ਤੇ ਸੌਖਾ ਕੰਮ ਕੱਤਰਣਾ, ਸਾਰਿਆਂ ਤੋਂ ਔਖਾ ਮਲ਼ ਕੇ ਗੋਹਾ ਪੱਥਣਾ।
110. ਪੀਹ ਮੋਈ ਪਕਾ ਮੋਈ, ਆ ਗਏ ਡੱਟੋ, ਖਾ ਗਏ ਡੱਟੋ।
111. ਪੀਠਾ ਨਹੀਂ ਤੇ ਦਾਦੜ ਹੀ ਸਹੀ।
112. ਪੀਠਾ ਨਾ ਛੜਿਆ, ਤੇ ਲੈ ਬੰਨੀ ਨੂੰ ਘਰ ਵੜਿਆ।
113. ਪੀਰ ਪਰਾਉਣੇ ਮੰਨਦਿਆ ਦੇ।
114. ਪੀਰ ਪੁੱਤਰ ਨਾ ਦੇਊ, ਤਾਂ ਘੱਗਰਾ ਤਾਂ ਨਾ ਲਾਹ ਲਊ।
115. ਪੀੜ ਵੱਸ ਕੀਤੀ, ਤੇ ਲੜਾਈ ਜਿੱਤ ਲੀਤੀ।
116. ਪੀੜਿਆਂ ਬਿਨਾਂ ਤੇਲ ਨਹੀਂ ਨਿਕਲਦਾ।
117. ਪੁੱਠੀ ਪਾ ਕੇ ਲੇਖਾ ਪਾਇਆ, ਨਾ ਚਾਚਾ ਗਿਆ, ਤੇ ਨਾ ਚਾਚਾ ਆਇਆ।
118. ਪੁੱਤ ਉਠੇ, ਦਾਲਦ ਦੇ ਟੁੱਟੇ।
119. ਪੁੱਤ ਜਣੇ ਵੜ ਕੋਠੜੀ, ਬਾਹਰ ਜਗ ਜਾਣੇ।
120. ਪੁੱਤ ਤਰਸਣ ਟੁੱਕਾਂ ਨੂੰ ਤੇ ਟੁੱਕ ਤਰਸਣ ਪੁੱਤਾਂ ਨੂੰ।
121. ਪੁੱਤ ਤਾਂ ਮੜ੍ਹੀ 'ਤੇ ਨਹੀਂ ਮੂਤਦੇ ਪਰ ਧੀਆਂ ਦੇ ਤਾਂ ਸਿਵੇ ਵੀ ਤਰਸਦੇ ਨੇ।
122. ਪੁੱਤ ਪਰਾਇਆ ਚੁੰਮਿਆ ਤੇ ਲਾਲ਼ੀ ਭਰਿਆ ਮੂੰਹ।
123. ਪੁੱਤ ਫਕੀਰਾਂ ਦੇ, ਤੇ ਚਾਲ ਅਹਿਦੀਆਂ ਦੀ।
124. ਪੁੱਤ ਮੰਗਿਆ ਤੇ ਚਰਖਾ ਟੰਗਿਆ, ਪੁੱਤ ਵਿਆਹਿਆ ਤੇ ਚਰਖਾ ਲਾਹਿਆ।
125. ਪੁੱਤ ਵਡੇਰੇ ਤੇ ਸਾਕ ਚੰਗੇਰੇ।
126. ਪੁੱਤਰ ਕਪੁੱਤਰ ਹੋ ਜਾਂਦੇ ਨੇ, ਮਾਪੇ-ਕੁਮਾਪੇ ਨਹੀਂ ਹੁੰਦੇ।
127. ਪੁੱਤਰ ਜੰਮਦਿਆਂ ਹੀ ਜਵਾਨ।
128. ਪੁੱਤਰ ਜਿਹਾ ਨਾ ਮੇਵਾ ਡਿੱਠਾ, ਜਿੰਨਾ ਨਿੱਕਾ ਓਨਾ ਮਿੱਠਾ।
129. ਪੁੱਤਰ ਮਿੱਠੜੇ ਮੇਵੇ, ਰੱਬ ਸਭ ਨੂੰ ਦੇਵੇ।
130. ਪੁੱਤਰਾਂ ਸੰਦੀ ਮਾਂ ਮੋਈ, ਤੇ ਨੂਹਾਂ ਦਾ ਲੱਥਾ ਜੰਮ।
131. ਪੁੱਤਰੀਂ ਭਾਗ ਕੋਈ ਲਿਆਵੇ ਲੱਕੜੀਆਂ, ਕੋਈ ਲਿਆਵੇ ਸਾਗ।
132. ਪੁੱਤਾਂ ਦਾ ਖਾਧਾ ਖੇਤ, ਤੇ ਧੀਆਂ ਦਾ ਖਾਧਾ ਰੇਤ।
133. ਪੁੱਤਾਂ ਦੀਆਂ ਮਾਵਾਂ ਸਦਾਂ ਸੁਹਾਗਣਾਂ।
134. ਪੁੱਤਾਂ ਧੀਆਂ ਨੂੰ ਖਵਾਈਏ ਜਵਾਈਆਂ ਵਾਂਗ, ਤੇ ਵੇਖੀਏ ਕਸਾਈਆਂ ਵਾਂਗ।
135. ਪੁੱਤਾਂ ਨੂੰ ਮਿਲੇ ਨਾ, ਤੇ ਮਿੱਤਾਂ ਨੂੰ ਕਿੱਥੋਂ?
136. ਪੁੱਤੀਂ ਗੰਢ ਪਵੇ ਸੰਸਾਰ।
137. ਪੁਲਸੋਂ ਝਿੜਕਿਆ, ਚਿੱਕੜੋਂ ਤਿਲਕਿਆ, ਕੋਈ ਕੀ ਕਰ ਸਕਦਾ।
138. ਪੂੰਜੀ ਥੋੜ੍ਹੀ, ਹਾਕਾਂ ਬਹੁਤੀਆਂ।
139. ਪੂਤ-ਕਪੂਤ, ਭੰਗੂੜਿਓਂ ਹੀ ਪਛਾਣੇ ਜਾਂਦੇ ਨੇ।
140. ਪੂਰਾ ਕਿਸੇ ਨਾ ਤੋਲਿਆ, ਜੋ ਤੋਲੇ ਸੋ ਘੱਟ।
141. ਪੂਰਾ-ਪੂਰਾ ਮਾਪਿਆਂ ਨੇ ਦਾਜ ਦਿੱਤਾ, ਲੋਹੀ ਬੱਕਰੀ ਤੇ ਮਗਰ ਪਠੋਰਾ।
142. ਪੇਕੇ ਗਈਆਂ ਦੀ ਖੈਰ ਕੌਣ ਪਾਵੇ।
143. ਪੇਕੇ ਨਾ ਸਹੁਰੇ, ਤੇ ਡੁੱਬ ਮਰੀ ਮਨਿਆਉਰੇ।
144. ਪੇਕੇ ਮਾਵਾਂ ਨਾਲ, ਤੇ ਮਾਣ ਭਰਾਵਾਂ ਨਾਲ।
145. ਪੇਕੇ ਵੱਸਣ ਕੁਆਰੀਆਂ, ਮੈਂ ਵਸਾਂ ਸ਼ਰੀਕਾਂ ਨਾਲ।
146. ਪੇਟ ਨਾ ਪਈਆਂ ਰੋਟੀਆਂ, ਤਾਂ ਸਭੇ ਗੱਲਾਂ ਖੋਟੀਆਂ।
147. ਪੇਟ ਪਾੜਾਂ, ਤੇ ਪੱਟੀ ਕਿੱਥੇ ਬੰਨਾ?
148. ਪੇੜਿਆਂ ਦੀ ਰਾਖੀ, ਬਿੱਲੇ।
149. ਪੈਸਾ ਖੱਟੇ, ਪੈਸੇ ਨੂੰ।
150. ਪੈਸਾ ਨਾ ਕੋਈ ਬੱਧਾ, ਤੇ ਢਿੱਡ ਸੁੱਖਾ ਲੱਧਾ।
151. ਪੈਸਾ ਨਾ ਪੱਲੇ ਤੇ ਨਾ ਕਰੋੜੀ ਮੱਲ।
152. ਪੈਸਾ ਨਾ ਪੱਲੇ, ਤੇ ਬਾਜ਼ਾਰ ਖੜ੍ਹੀ ਹੱਲੇ।
153. ਪੈਸਾ ਪੀਰ, ਜਨਾਨੀ ਗੁਰ, ਜਿਧਰ ਨੂੰ ਆਖੇ ਉਧਰ ਨੂੰ ਤੁਰ।
154. ਪੈਸਿਆਂ ਬਿਨਾਂ ਵਿਆਜ ਵੀ ਐਵੇਂ ਜਾਂਦਾ।
155. ਪੈਸੇ ਨੂੰ ਪੈਸਾ ਖਿੱਚੇ।
156. ਪੈਸੇ ਵਾਲੀ ਥਾਂ ਬਾਲ ਖੇਡਦੇ ਨੇ।
157. ਪੈਸੇ ਵਾਲੀ ਦਾ ਹੀ ਖੇਡਦਾ।
158. ਪੈਂਦੀ 'ਤੇ ਪਈ, ਤੇ ਜਾਨ ਨਿਕਲ ਗਈ।
159. ਪੋਹ-ਮਾਘ ਦੀ ਝੜ੍ਹੀ, ਕੋਠਾਂ ਛੱਡੇ ਨਾ ਕੜੀ।
160. ਪੋਹ.. ਪਾਲ਼ੇ ਦਾ ਰੋਹ। 
161. ਪੋਹ ਰਿੱਧੀ, ਮਾਘ ਖਾਧੀ।
162. ਪੋਹ ਮਾਘ ਦੀ ਦਿਹਾੜੀ, ਚੌਕਾਂ, ਚੁੱਲ੍ਹਾ ਅਤੇ ਬਹਾਰੀ।
163. ਪੋਹ ਮਹੀਨੇ ਨਾਲ ਜੁੜੇ ਹੋਰ ਅਖਾਣ-
1. ਚੜ੍ਹ ਗਿਆ ਪੋਹ, ਬਚਣਗੇ ਉਹ, ਜਿਹੜੇ ਸੌਣਗੇ ਦੋ। 😃 ਇਹਦੇ ਜਵਾਬ ਵਿੱਚ ਕਿਹਾ ਜਾਂਦਾ ਹੈ ਕਿ, ਦੱਬ ਰਜਾਈ ਮੱਲਾ ਜਿਹੋ ਜਿਹੇ ਦੋ, ਉਹੋ ਜਿਹਾ ਇਕੱਲਾ।
2. ਵਰਸੇ ਪੋਹ, ਜੇਹਾ ਇਹ, ਤੇਹਾ ਉਹ।
3. ਚੜ੍ਹਿਆ ਪੋਹ, ਤਵਾ ਲਾਹ, ਤੇ ਤੌੜੀ ਧੋ।
4. ਗਰੀਬ ਦੀ ਜਵਾਨੀ ਤੇ ਪੋਹ ਦੀ ਚਾਨਣੀ ਐਵੇਂ ਚਲੀ ਜਾਂਦੀ ਹੈ।
164. ਪੌਂ ਬਾਰਾਂ, ਤੇ ਦਾਅ ਸਤਾਰਾਂ।
165. ਪ੍ਰਤੱਖ ਨੂੰ ਪ੍ਰਮਾਣ ਕੀ।
166. ਪ੍ਰਦੇਸ਼ ਭਿੱਖਿਆ ਤੇ ਦੇਸ ਫਕੀਰੀ।
167. ਪ੍ਰੀਣੀ ਹੋਵੇ, ਭਾਵੇਂ ਸਿਰਖੰਡੀ ਹੋਵੇ।
168. ਪ੍ਰੀਤ ਦਾ ਰਾਹ ਪੱਧਰਾ ਨਾਹੀ। 

‘ਫ’ ਅੱਖਰ ਵਾਲੇ ਅਖਾਣ

1. ਫਸੀ ਨੂੰ ਫਟਕਣ ਕੀ? ਛੁੱਟ ਗਈ ਤਾਂ ਅਟਕਣ ਕੀ?
2. ਫ਼ਕੀਰ ਦਾ ਕਹਿਰ, ਝੌਂਪੜੀ 'ਤੇ।
3. ਫਕੀਰ ਦੀ ਬੁਰ ਤੇ ਅਮੀਰ ਦਾ ਦਰ ਇਕ ਬਰਾਬਰ।
4. ਫਕੀਰਾ ਫਕੀਰੀ ਦੂਰ ਹੈ, ਜਿਤਨੀ ਲੰਮੀ ਖਜੂਰ ਹੈ।
5. ਫੰਡਰ ਟਟੀਹਰੀ, ਟੀਸੀ 'ਤੇ ਆਲ੍ਹਣਾ।
6. ਫਫੇ ਕੁੱਟਣ, ਲੱਗੀ ਲੁੱਟਣ।
7. ਫਰੀਦਾ ਮੌਤੋਂ ਭੁੱਖ ਬੁਰੀ, ਰਾਤੀਂ ਸੁੱਤਾ ਖਾਇਕੈ ਤੜਕੇ ਆਣ ਖੜ੍ਹੀ।
8. ਫਰੀਦਾ ਲੋੜੇ ਦਾਖ ਬਿਜੌਰੀਆਂ, ਤੇ ਕਿੱਕਰ ਬੀਜੇ ਜੱਟ।
9. ਫੜ੍ਹਿਆ ਚੋਰ, ਤੇ ਨਿਕਲਿਆ ਜਲਾਹਾ।
10. ਫਾਕੇ ਮਰਾਂਗੇ, ਲਾਡ ਪਏ ਕਰਾਂਗੇ।
11. ਫਾਟਕ ਟੁੱਟਿਆ ਤੇ ਘਰ ਲੁੱਟਿਆ। ਜਾਂ ਬੂਹਾ ਟੁੱਟਿਆ ਤੇ ਘਰ ਲੁੱਟਿਆ।
12. ਫਿਫਰ ਦਾ ਸਲਾਹੁਣਾ ਕੀ ਤੇ ਸਾਂਢੂ ਦਾ ਕੀ ਸਾਕ?
13. ਫੁੱਟ ਡੈਣ, ਤੇ ਏਕਾ ਰਸੈਣ।
14. ਫੁੱਲ ਖਿੜੇ, ਤੇ ਫਲੀਆਂ ਦੀ ਵੀ ਆਸ।...
15. ਫੁੱਲਕਾ ਤਵੇ ਦਾ, ਤੇ ਵੱਗ ਰਵੇ ਦਾ, ਜੁੱਤੀ ਧੌੜੀ ਦੀ, ਦਾਲ਼ ਤੌੜੀ ਦੀ।
16. ਫੁੱਲਾਂ ਉੱਤੇ ਆਈ ਵੱਡੀਏ ਨਾ ਵੱਲ ਨੂੰ,...................
17. ਫੁੱਲਾਂ ਦੀ ਵਾਸ਼ਨਾ, ਦੂਰੋਂ ਹੀ ਚੰਗੀ।
18. ਫੁੱਲਾਂ ਨਾਲ ਕੰਡੇ ਵੀ।
19. ਫੁੱਲਾਂ ਬਾਝ ਨਾ ਸੋਂਹਦੀਆਂ ਵੇਲਾਂ, ਪੁੱਤਰਾਂ ਬਾਝ ਨਾ ਮਾਵਾਂ।
20. ਫੂਹੀ-ਫੂਹੀ ਤਾਲਾਬ ਭਰਦਾ।
21. ਫੋਕਾ ਰੌਲ਼ਾ, ਗਿੱਦੜ ਪਾਉਣ।
22. ਫੋੜਾ ਤੇ ਘੋੜਾ, ਜਿੰਨਾ ਪਲੋਸੀਏ ਓਨਾ ਹੀ ਵੱਧਦਾ।

‘ਬ’ ਅੱਖਰ ਵਾਲੇ ਅਖਾਣ

1. ਬਹੁ ਪੁੱਤੀ ਤੇ ਬਹੁ ਮੇਹਣੇ।
2. ਬਹੁ ਬੀਤੀ, ਥੋੜੀ ਰਹੀ।
3. ਬਹੁਤਾ ਸਿਆਣਾ ਕਾਂ ਗੂੰਹ ਤੇ ਡਿੱਗਦਾ ਹੈ।
4. ਬਹੁਤਾ ਖਾਂਦੀ, ਥੋੜਿਓਂ ਵੀ ਜਾਂਦੀ।
5. ਬਹੁਤਾ ਜਾਈਏ, ਤਾਂ ਭਰਮ ਗਵਾਈਏ।
6. ਬਹੁਤਾ ਬੋਲਣ, ਝੱਖਣ ਹੋਇ।
7. ਬਹੁਤਾ ਭਲਾ ਨਾ ਹੱਸਣਾ, ਬਹੁਤੀ ਭਲੀ ਨਾ ਚੁੱਪ , ਬਹੁਤਾ ਭਲਾ ਨਾ ਮੇਘਲਾ, ਬਹੁਤੀ ਭਲੀ ਨਾ ਧੁੱਪ।
8. ਬਹੁਤਾ ਮੂੰਹ ਟੱਡਿਆਂ ਮੱਖੀਆਂ।
9. ਬਹੁਤੀ ਗਈ ਵਿਹਾ, ਥੋੜ੍ਹੀ ਰਹਿ ਗਈ।
10. ਬਹੁਤੀ ਰੰਨੀਂ, ਉੱਤਮ ਰੰਡਾ।
11. ਬਹੁਤੇ ਡੂੰਮੀਂ, ਢੱਡ ਨਾ ਵੱਜੇ।
12. ਬੱਕਰਾ ਰੋਵੇ ਜਾਨ ਨੂੰ, ਤੇ ਕਸਾਈ ਰੋਵੇ ਮਾਸ ਨੂੰ।
13. ਬੱਕਰੀ ਜਾਨੋਂ ਗਈ, ਪਰ ਖਾਣ ਵਾਲਿਆਂ ਨੂੰ ਸਵਾਦ ਨਹੀਂ ਆਇਆ।
14. ਬੱਕਰੀ ਦੁੱਧ ਦਿੰਦੀ ਪਰ ਮੀਂਗਣਾ ਪਾ ਕੇ।
15. ਬੱਕਰੇ ਦੀ ਮਾਂ ਕਦੋਂ ਤੱਕ ਖੈਰ ਮਨਾਊ।
16. ਬਖਤਾਵਰਾਂ ਦੇ ਕੰਮਬਖਤ ਰਾਖੇ।
17. ਬਗਲਾ ਹੰਸੁ ਨਾ ਹੋਵਈ, ਲੱਖ ਸਰਵਰ ਨਾਹਵੈ।
18. ਬਗਲਾ ਭਗਤ, ਮੱਛੀਆਂ ਦਾ ਰਾਖਾ।
19. ਬਗਿਆੜ ਗਊਆਂ ਦੇ ਭੇਸ ਚ।
20. ਬੱਚੇ ਹਰਾਮ ਦੇ ਨਹੀਂ ਹੁੰਦੇ, ਹਰਾਮ ਦੇ ਮਾਪੇ ਹੁੰਦੇ ਨੇ।
21. ਬਣੀ ਦੇ ਸਾਰੇ ਯਾਰ।
22. ਬਣੀਆਂ 'ਤੇ ਕੋਈ ਨਹੀਂ ਬਹੁੜਦਾ।
23. ਬਣੀ-ਤਣੀ ਦੇ ਸਾਰੇ ਸਾਥੀ।
24. ਬੱਤੀ ਦੰਦਾਂ ਵਿੱਚ ਜੀਭ ਕੈਦ।
25. ਬੱਤੀ ਦੰਦਾਂ ਵਿੱਚੋਂ ਮੰਗਿਆ ਹਾਜ਼ਰ।
26. ਬਦ ਨਾਲੋਂ ਬਦਨਾਮ ਬੁਰਾ।
27. ਬੱਦਲ ਚੜ੍ਹਿਆ ਟਿੱਲਿਓਂ, ਮਹੀਂ ਨਾ ਖੋਲ੍ਹੀਂ ਕਿੱਲਿਓਂ।
28. ਬੱਦਲ ਜਦੋਂ ਵਰ੍ਹਦਾ, ਨੀਵਾਂ ਹੋ ਕੇ ਵਰ੍ਹਦਾ।
29. ਬੱਦਲਾਂ ਦੀ ਧੁੱਪ ਬੁਰੀ, ਤੇ ਝਿੜਕ ਬੁਰੀ ਮਤਰੇਈ ਦੀ।
30. ਬਦਲੀ-ਬਦਲੀ ਦਿਨ ਗਿਆ, ਕੁਚੱਜੀ ਦਾ ਟੱਬਰ ਭੁੱਖਾ ਰਿਹਾ।
31. ਬੰਦਾ ਹੀ ਬੰਦੇ ਦਾ ਦਾਰੂ।
32. ਬੰਦਾ ਕਹੀਆਂ ਭਰ-ਭਰ ਗਵਾਵੇ ਤਾਂ ਵੀ ਕੁਝ ਨਹੀਂ ਗਵਾਚਦਾ, ਪਰ ਜਨਾਨੀ ਸੂਈ ਦੇ ਨੱਕੇ ਨਾਲ ਵੀ ਘਰ ਰੋੜ੍ਹ ਦਿੰਦੀ ਹੈ।
33. ਬੰਦਾ ਜੋੜੇ ਪਲੀ-ਪਲੀ, ਤੇ ਮੂਰਖ ਰੁੜ੍ਹਾਵੇ ਕੁੱਪਾ।
34. ਬੰਦਾ ਨਹੀਂ ਮਾੜਾ, ਬੰਦੇ ਦੇ ਬੋਲ ਮਾੜੇ।
35. ਬੰਦਾ ਨਹੀਂ ਰਹਿੰਦਾ, ਬੰਦੇ ਦੀ ਗੱਲ ਰਹਿ ਜਾਂਦੀ ਹੈ।
36. ਬੰਦਾ ਪਰਖੀਏ ਵੱਸ ਪਿਆਂ, ਸੋਨਾ ਪਰਖੀਏ ਕਸ  ਪਿਆਂ। (ਕਸਵੱਟੀ)
37. ਬੰਦਾ ਮੰਗੇ ਆਟਾ, ਉਹਨੂੰ ਆਟੇ ਤੋਂ ਵੀ ਘਾਟਾ, ਰੰਨ ਮੰਗੇ ਪੇੜੇ, ਉਹਨੂੰ ਦੇਣ ਵਾਲੇ ਬਥੇਰੇ।
38. ਬੰਦਾ ਰੰਗ ਦਾ ਕਾਲਾ ਹੋਵੇ, ਪਰ ਦਿਲ ਦਾ ਕਾਲਾ ਨਾ ਹੋਵੇ।
39. ਬਦੀ ਕਰੇ ਪਰ ਨੂੰ, ਢੁੱਕ ਆਵੇ ਘਰ ਨੂੰ।
40. ਬਦੀ ਦਾ ਬੇੜਾ ਭਰ ਕੇ ਡੁੱਬਦਾ।
41. ਬੰਦੇ ਜਿਹਾ ਪੰਖੇਰੂ ਕਿਹੜਾ ? ਜੋ ਬਿਨ ਖੰਭਾਂ ਉੱਡ ਜਾਵੇ।
42. ਬੰਦੇ ਦਾ ਝੁਰਨਾ, ਤੇ ਪਤਾਸੇ ਦਾ ਖੁਰਨਾ, ਇਕ ਬਰਾਬਰ। ਜਸਬੀਰ ਵਾਟਵਾਲੀਆ
43. ਬੱਧਾ 12 ਸਾਲ, ਤੇ ਖੁੱਲਾ 18 ਸਾਲ।
44. ਬੱਧਾ ਚੱਟੀ ਜੋ ਕਰੇ ਨਾ ਗੁਣ ਨਾ ਉਪਕਾਰ।
45. ਬੱਧਾ ਚੋਰ ਹੀ ਮਾਰ ਖਾਂਦਾ।
46. ਬੱਧਾ ਚੋਰ, ਤੇ ਛੁੱਟਾ ਝਗੜਾ।
47. ਬੱਧੀ ਬੱਝਦੀ, ਤੇ ਛੱਡੀ ਛੁੱਟਦੀ।
48. ਬੱਧੀ ਮੁੱਠੀ ਲੱਖ ਬਰਾਬਰ, ਖੁੱਲ ਗਈ ਤਾਂ ਕੱਖ ਬਰਾਬਰ।
49. ਬੰਨ੍ਹਾ ਉੱਤੇ ਹੀ ਬਿੜਕਾਂ ਹੁੰਦੀਆਂ ਨੇ।
50. ਬਰਸੇ ਫਾਗਣ ਦੂਣ ਚੁਆਗਣ, ਬਰਸੇ ਚੇਤ ਨਾ ਖਲ਼ ਨਾ ਖੇਤ।
51. ਬਲ ਬਿਨਾਂ ਆਦਰ ਨਹੀਂ।
52. ਬਲਦ ਲਿਆਈਏ ਲਾਣੇ ਦਾ, ਤੇ ਸਾਕ ਲਈਏ ਟਿਕਾਣੇ ਦਾ।
53. ਬਲਦਾਂ ਦੇ ਹੱਡ ਵਗਣ,ਤੇ ਸੰਢਿਆਂ ਦਾ ਮਾਸ।
54. ਬਲ਼ਦੀ ਬਲ਼ੇ ਨਾ ਕੀਤੀ ਗਾਂਹ, ਵੇ ਝੁੱਡੂ ਤੇਰਾ ਨਾਂ।
55. ਬਲੀ ਦਾ ਬੱਕਰਾ।
56. ਬੱਲ੍ਹ ਹਮੇਸ਼ਾ ਵੱਡਾ ਹੋਵੇ।
57. ਬਾਹਮਣ ਦਾ ਵੈਰੀ ਬਾਹਮਣ।
58. ਬਾਹਮਣ ਮੰਗਿਆ, ਤੇ ਧਾਈਂ ਠੂੰਗਿਆ ਪੂਰੀ ਨਹੀਂ ਪੈਂਦੀ।
59. ਬਾਹਮਣ ਮਰ ਗਏ ਕਿ ਖੀਰ ਮੁੱਕ ਗਈ।
60. ਬਾਹਮਣਾਂ ਦੀ ਜੰਝ ਤੇ ਝੋਨੇ ਦੀ ਜੜ੍ਹ ਦਾ ਅੰਤ ਨਹੀਂ।
61. ਬਾਹਮਣੀ ਦੇ ਪੂਤ, ਕੋਈ ਜਿੰਨ, ਕੋਈ ਭੂਤ।
62. ਬਾਹਰ ਦੀ ਚੋਪੜੀ, ਤੇ ਘਰ ਦੀ ਰੁੱਖੀ।
63. ਬਾਹਰ ਬੋਗਾ-ਬੋਗਾ, ਘਰੇ ਛੱਪੜੀ ਨਾ ਟੋਭਾ।
64. ਬਾਹਰ ਮੀਆਂ 5 ਹਜ਼ਾਰੀ, ਘਰ ਬੀਬੀ ਕਰਮਾਂ ਦੀ ਮਾਰੀ।
65. ਬਾਹਰ ਮੀਆਂ ਫੱਤੂ, ਘਰ ਸਾਗ ਨਾ ਸੱਤੂ।
66. ਬਾਹਰੋਂ ਆਇਆ ਕੱਤਣਾ, ਤੇ ਘਰੋਂ ਪਿਆ ਘੱਤਣਾ।
67. ਬਾਹਰੋਂ ਨਾਂਹ, ਤੇ ਅੰਦਰੋਂ ਹਾਂ।
68. ਬਾਹਲੇ ਹਾਸੇ ਧੀ ਗਈ, ਤੇ ਘਰ-ਘਰ ਫਿਰਦੀ ਨੂੰਹ।
69. ਬਾਂਹਾਂ ਉਤੇ ਬੜਕਾਂ।
70. ਬਾਗਾ ਤੇਰੀ ਜੜ੍ਹ ਵਧੇ, ਯੁੱਗ-ਯੁੱਗ ਭੰਵਰਾ ਜੀਅ, ਉੱਜੜ ਖੇੜਾ ਮੁੜ ਵਸੇ, ਮੂਰਖ ਜਾਣੇ ਕੀ?
71. ਬਾਜਰਾ ਜੇਠੀ ਦਾ, ਤੇ ਪੁੱਤਰ ਪਲੇਠੀ ਦਾ।
72. ਬਾਜਰੇ ਦੀ ਕੋਠੀ, ਤੇ ਗੁਜਰਾਤੀ ਜਿੰਦੇ।
73. ਬਾਜਾਂ ਨੂੰ ਘਾਹ, ਤੇ ਚਿੜੀਆਂ ਨੂੰ ਮਾਸ।
74. ਬਾਂਝ ਕੀ ਜਾਣੇ, ਪ੍ਰਸੂਤ ਦੀਆਂ ਪੀੜਾਂ।
75. ਬਾਝ ਪਿਆਰੇ ਜੀਵੀਐ, ਵਿਣ ਖਾਧੇ ਮਰੀਐ।
76. ਬਾਝੋਂ ਸਾਈਆਂ, ਸਾਵਣ ਵੀ ਤਿਹਾਈਆਂ।
77. ਬਾਣ ਨਾ ਗਈ ਤੇਰੀ, ਬੁੱਢੀ ਵਰ੍ਹੇਂਦੀ ਵੇਰੀਂ।
78. ਬਾਣੀ ਸੋਈ ਜੋ ਕੰਠ , ਪੈਸਾ ਸੋਈ ਜੋ ਗੰਠ।
79. ਬਾਣੀਓਂ, ਅੱਗੋਂ, ਪਾਣੀਓਂ, ਜੋ ਬਚਿਆ ਸੋ ਜਾਣਿਓਂ।
80. ਬਾਣੀਆਂ ਹੇਠਾਂ ਪਿਆ ਵੀ ਰੋਵੇ, ਤੇ ਉੱਤੇ ਪਿਆ ਵੀ।
81. ਬਾਣੀਏ ਦਾ ਪੁੱਤ, ਕੁਝ ਦੇਖ ਕੇ ਡਿੱਗਦਾ।
82. ਬਾਣੀਏ ਪੁੱਤ, ਪੱਟੀ ਨਾ ਪੜ੍ਹਾਈਂ।
83. ਬਾਤ ਨਾ ਪੁੱਛਣ ਭੂਤਨੇ, ਮੇਰਾ ਪੁੱਤ ਬੋਹਲਾਂ ਦਾ ਰਾਖਾ।
84. ਬਾਤੜੀਓਂ ਘਰ ਉਂਜੜੇ, ਤੇ ਚੁੱਲ੍ਹੇ ਦਾਲ ਨਾ ਹੋ।
85. ਬਾਂਦਰ ਕੀ ਜਾਨਣ ਲੌਂਗਾਂ ਦਾ ਭਾਅ।
86. ਬਾਂਦਰ ਬੁੱਢਾ ਹੋ ਜਾਂਦਾ ਪਰ ਛਾਲਾਂ ਮਾਰਨੀਆਂ ਨਹੀਂ ਭੁੱਲਦਾ।
87. ਬਾਂਦਰ, ਝੀਰ, ਕਲੰਦਰ, ਨਾਈ ਇਹਨਾਂ ਨੂੰ ਅਕਲ ਕਦੇ ਨਾ ਆਈ।
88. ਬਾਂਦਰਾਂ ਦੇ ਗਲ ਮੋਤੀਆਂ ਦੇ ਹਾਰ।
89. ਬਾਂਦਰਾਂ ਨੂੰ ਬਨਾਰਸ ਦੀਆਂ ਟੋਪੀਆਂ।
90. ਬਾਂਦਰੀ ਦੇ ਪੈਰ ਸੜੇ, ਉਹਨੇ ਬੱਚੇ ਪੈਰਾਂ ਹੇਠ ਲਏ।
91. ਬਾਂਦੀ ਦੇ ਹੱਥ ਕਾਮੇ, ਬੀਬੀ ਦਾ ਮੂੰਹ ਕਾਮਾਂ।
92. ਬਾਪ ਜਿਨਾਂ ਦੇ ਸੂਰਮੇ, ਪੁੱਤ ਉਨਾਂ ਦੇ ਖੋ।
93. ਬਾਪ ਨਾ ਮਾਰੀ ਮੇਂਡਕੀ, ਬੇਟਾ ਤੀਰ ਅੰਦਾਜ਼।
94. ਬਾਪੂ ਫਿਰੇ ਫੋਸੀ-ਫੋਸੀ, ਪੁੱਤ ਪੰਡਾਂ ਬਖ਼ਸ਼ੇ।
95. ਬਾਪੂ-ਬਾਪੂ ਕਹਿੰਦੇ ਸੀ ਬੜਾ ਖੁਸ਼ ਰਹਿੰਦੇ ਸੀ, ਬਾਪੂ-ਬਾਪੂ ਕਹਾਇਆ ਡਾਢਾ ਦੁੱਖ ਪਾਇਆ।
96. ਬਾਬਲ ਨੂੰਹਾਂ ਸਹੇੜੀਆਂ, ਕੁਝ ਟਿੰਡਾਂ ਤੇ ਕੁਝ ਰੇੜ੍ਹੀਆਂ।
97. ਬਾਬਲ ਬੇਟੀ, ਗੁੱਦੜ ਲਪੇਟੀ।
98. ਬਾਬਲ ਮੇਰੇ ਚੀਰਾ ਦਿੱਤਾ, ਸਾਹ ਲਵਾਂ ਤਾਂ ਪਾਟੇ।
99. ਬਾਬਾ ਅਟੱਲ, ਪੱਕੀ ਪਕਾਈ ਘੱਲ।
100. ਬਾਬਾ ਆਊ ਤਾਂ ਬੱਕਰੀਆਂ ਚਰਾਊ।
101. ਬਾਬਾ ਆਵੇ ਨਾ ਤੇ ਘੰਟਾ ਵੱਜੇ ਨਾ।
102. ਬਾਬਾ ਪੋਤਰੀਆਂ ਦਾ ਮਾਸੜ।
103. ਬਾਬਾ ਵੀ ਗਰਮ, ਬਾਬੇ ਦੀਆਂ ਗੋਲੀਆਂ ਵੀ ਗਰਮ।
104. ਬਾਬਾਣੀਆਂ, ਕਹਾਣੀਆਂ, ਪੁੱਤ-ਸਪੁੱਤ ਕਰੇਣ।
105. ਬਾਬੁਲ ਦਿੱਤੀ ਢੀਂਗਰੀ, ਉਹ ਵੀ ਪ੍ਰਵਾਨ।
106. ਬਾਰ ਪਰਾਈ ਬੈਸਣਾਂ, ਸਾਈਂ ਮੁਝੇ ਨਾ ਦੇ।
107. ਬਾਰਾਂ ਸਾਲ ਦਿੱਲੀ ਰਹੇ ਭੱਠ ਹੀ ਝੁਕਦੇ ਰਹੇ।
108. ਬਾਰਾਂ ਪੂਰਬੀਏ, 13 ਚੁੱਲ੍ਹੇ।
109. ਬਾਰੀਂ ਬਰਸੀਂ ਸੰਢ ਵਿਆਹੀ, ਉਨ੍ਹੇ ਵੀ ਕਾਣੀ ਕੁੜੀ ਜਾਈ।
110. ਬਾਰੀਂ ਵਰ੍ਹੀਂ ਦੁਸਹਿਰਾ।
111. ਬਾਲ ਤੇ ਪਸ਼ੂ, ਪ੍ਰੀਤ ਦੇ ਭੁੱਖੇ।
112. ਬਾਲ ਦੀ ਮਾਂ ਨਾ ਮਰੇ ਤੇ ਬੁੱਢੇ ਦੀ ਰੰਨ ਨਾ ਮਰੇ।
113. ਬਿਜਲੀ ਵੀ ਸਹੇ 'ਤੇ ਹੀ ਪੈਂਦੀ ਹੈ।
114. ਬਿਨ ਮਾਂਗੇ ਸੋਨਾ ਮਿਲੇ, ਮਾਂਗੇ ਮਿਲੇ ਨਾ ਭੀਖ।
115. ਬਿਨਾਂ ਬੁਲਾਏ ਬੋਲਣਾ ਅਹਿਮਕਾਂ ਦਾ ਕੰਮ।
116. ਬਿੱਲਾ-ਕਪਰਾ, ਆਦਮੀ, ਮੁੱਛਾਂ ਵਾਲੀ ਰੰਨ, ਤਿੰਨੇ ਵੰਨ-ਕੁਵੰਨ।
117. ਬਿੱਲੀ ਖਾਏਗੀ ਨਾ, ਤਾਂ ਰੋੜ੍ਹੇਗੀ ਜਰੂਰ।
118. ਬਿੱਲੀ ਜਦੋਂ ਡਿੱਗਦੀ ਹੈ, ਪੰਜਿਆਂ ਪਰਨੇ ਡਿੱਗਦੀ ਹੈ।
119. ਬਿੱਲੀ ਦੀ ਖੱਲ ਚ ਸ਼ੇਰ।
120. ਬਿੱਲੀ ਦੁੱਧ ਪੀਵੂਗੀ, ਤਾਂ ਜਿੰਦਰੇ ਵੱਜਣਗੇ।
121. ਬਿੱਲੀ ਦੇ ਗਲ਼ ਟੱਲੀ ਬੰਨੇ ਕੌਣ?
122. ਬਿੱਲੀ ਦੇ ਨੌਂਹ ਲੁਕੇ ਹੁੰਦੇ ਨੇ।
123. ਬਿੱਲੀ ਨੇ ਸੀਂਹ ਪੜ੍ਹਾਇਆ ਉਸੇ ਨੂੰ ਖਾਣ ਨੂੰ ਆਇਆ।
124. ਬਿੱਲੀ ਨੇ ਗਿਲਾਸ ਰੋੜ੍ਹਿਆ ਤੇ ਚੂਹਿਆਂ ਨੂੰ ਕੁਰਲੀ ਕਰਨ ਦਾ ਚੇਤਾ ਆ ਗਿਆ।
125. ਬਿੱਲੀ ਲਾਹੁਣ ਗਏ, ਸ਼ੇਰਾਂ ਨੂੰ ਗਲ਼ ਪਾ ਆਏ।
126. ਬਿੱਲੀਆਂ ਜੰਮਦੀਆਂ ਦੁੱਧ ਨੂੰ, ਤੇ ਚੂਹਾ ਜੰਮਦਾ ਅਨਾਜ ਨੂੰ। 
127. ਬਿੱਲੀਆਂ ਨੂੰ ਚੂਹਿਆਂ ਦੇ ਸੁਪਨੇ।
128. ਬਿੱਲੇ ਦਾ ਵਿਸਾਹ ਨਾ ਕਰੀਏ, ਭਾਵੇਂ ਸਕਾ ਭਾਈ।
129. ਬੀਅ ਵੀ ਉੱਥੇ ਹੀ ਪਾਈਦਾ ਹੈ, ਜਿੱਥੇ ਉੱਗਣ ਦੀ ਆਸ ਹੋਵੇ।
130. ਬੀਜਿਆ ਨਾ ਵਾਹਿਆ, ਘੜੰਮ ਪੱਲਾ ਡਾਹਿਆ।
131. ਬੀਜੇ ਅੰਬ ਤੇ ਲੱਗੇ ਅੱਕ।
132. ਬੀਜੇ ਕੋਈ, ਤੇ ਵੱਢੇ ਕੋਈ।
133. ਬੀਬੀ ਹੁਰੀਂ ਹਲੇ, ਤਾਂ ਸਾਰਾ ਜੱਗ ਹਲੇ।
134. ਬੀਬੀ ਟੋਕਾਂ, ਆਪ ਨਾ ਖਾਂਦੀ ਤੇ ਦੇਂਦੀ ਲੋਕਾਂ।
135. ਬੀਬੀ ਦਾ ਚੌਂਕਾ ਤੇ ਕਵੱਲੀ ਦਾ ਢੌਂਕਾ।
136. ਬੀਬੋ ਦੇ ਸਿਰ ਮੁੱਕੀਆਂ, ਬੰਦੀ ਦਿਲ ਦਰਿਆ।
137. ਬੀਵੀ ਮੋਈ ਤਾਂ ਸਭ ਜਗ ਆਇਆ, ਮੀਆਂ ਮੋਇਆ ਤਾਂ ਕੋਈ ਨਾ ਆਇਆ।
138. ਬੁੰ*** ਵਿੱਚ ਗੂੰਹ ਨਹੀਂ , ਤੇ ਕਾਵਾਂ ਨੂੰ ਸੈਣਤਾਂ।
139. ਬੁਝ ਗਈ ਬੱਤੀ, ਨਿਖੁੱਟ ਗਿਆ ਤੇਲ।
140. ਬੁੱਢੜੀ ਮਰੀ ਤੇ ਗੀਗੀ ਜਾਈ, ਟੱਬਰ ਓਡਾ-ਕੋਡਾ।
141. ਬੁੱਢਾ ਚੋਰ, ਮਸੀਤੇ ਡੇਰਾ।
142. ਬੁੱਢਾ ਢੱਗਾ ਸੱਭੇ ਔਗੁਣ।
143. ਬੁੱਢੀ ਅੱਜ ਮਰਦੀ ਤੇ ਜਲਾਬ ਕੱਤੇ ਨੂੰ।
144. ਬੁੱਢੀ ਹੋਈ ਡੂੰਮਾਂ ਦੀ ਜਵਾਰ ਨਿੱਸਰੀ।
145. ਬੁੱਢੀ ਕੰਜਰੀ, ਤੇਲ ਦਾ ਉਜਾੜਾ।
146. ਬੁੱਢੀ ਘੋੜੀ ਲਾਲ ਲਗਾਮ।
147. ਬੁੱਢੀ ਘੋੜੀ, ਬਨਾਤੀ ਹੰਨਾ।
148. ਬੁੱਢੀ ਮੱਝ ਪੁਰਾਣਾ ਗੱਡਾ, ਮਿੱਤ ਪਚਾਦਾ,ਭੱਜਣਾ ਤੇ ਭੱਜ ਜਾ ਨਹੀਂ ਤੇ ਖਾਧਾ ਹੀ ਖਾਧਾ।
149. ਬੁੱਢੇ ਢੱੱਗਿਆਂ ਦੀ ਵਾਹੀ, ਅੱਗੇ ਦੱਬ ਤੇ ਚੋਖੀ ਕਾਹੀ।
150. ਬੁੱਢੇ ਤੋਤੇ ਪੜ੍ਹਨ ਕੁਰਾਨ।
151. ਬੁੱਧ ਸ਼ਨਿਚਰ ਕੱਪੜਾ, ਤੇ ਗਹਿਣਾ ਐਤਵਾਰ।
152. ਬੁੱਧ ਸਿੰਘ ਦੀ ਬੁੱਧ ਗਈ, ਅਤਰ ਸਿੰਘ ਦੀ ਖੁਸ਼ਬੋ, ਲਹਿਣੇ ਦਾ ਦੇਣਾ ਪਿਆ, ਜੋ ਕਰਤਾਰ ਕਰੇ ਸੋ ਹੋ।
153. ਬੁਰਾ ਹਾਲ ਤੇ ਬਾਂਕੇ ਦਿਹਾੜੇ।
154. ਬੁਰਾ ਗ਼ਰੀਬ ਦਾ ਮਾਰਨਾ, ਬੁਰੀ ਗ਼ਰੀਬ ਦੀ ਆਹ, ਗਲੇ ਬੱਕਰੇ ਦੀ ਖੱਲ ਨਾ, ਲੋਹਾ ਭਸਮ ਹੋ ਜਾ।
155. ਬੁਰਾ ਜੰਗਲ ਦਾ ਵਾਸਾ, ਬੁਰਾ ਮੂਰਖ ਦਾ ਹਾਸਾ।
156. ਬੁਰਾਈ ਉੱਡੇ, ਖੰਭ ਲਾ ਕੇ।
157. ਬੁਰਿਆ ਤੈਥੋਂ ਡਰ ਨਹੀਂ ਲੱਗਦਾ, ਤੇਰੀ ਬੁਰਿਆਈ ਤੋਂ ਲੱਗਦਾ।
158. ਬੁਰਿਆਂ ਦੇ ਸੰਗ ਬੈਠ ਕੇ, ਭਲਿਆਂ ਦੀ ਪੱਤ ਕੀ?
159. ਬੁਰੇ ਹਾਲ ਤੇਹਰਵਾਂ ਪੈਂਡਾ।
160. ਬੁਲਬਲਿਆਂ ਵਾਲਾ ਮੀਹ ਰੋਜ਼ ਰੋਜ਼ ਨਹੀਂ ਪੈਂਦਾ।
161. ਬੁਲਬੁਲ ਗਈ ਤਮਾਚੇ ਲਾ, ਝੁੱਡੂ ਬਹਿ ਗਿਆ ਚੂਰੀ ਖਾ।
162. ਬੁਲਬੁਲ ਮਰ ਗਈ, ਪਰ ਪਿੱਠ ਦੀ ਲਾਲੀ ਨਹੀਂ ਗਈ।
163. ਬੂਹਾ ਤਾਕ ਭਲਾ, ਤੇ ਲੇਖਾ ਪਾਕ ਭਲਾ।
164. ਬੂਟਾ ਲੱਗਿਆ, ਤੇ ਵੇਲਾਂ ਹਰੀਆਂ।
165. ਬੇਇਜ਼ਤ ਜ਼ਿੰਦਗੀ ਮੌਤੋਂ ਬੁਰੀ।
166. ਬੇਸ਼ਰਮ ਦੇ ਪਿੱਛੇ ਰੁੱਖ ਉੱਗਿਆ, ਕਹਿੰਦਾ ਯਾਰ ਛਾਵੇਂ ਬੈਠਿਆ ਕਰਨਗੇ।
167. ਬੇਸ਼ਰਮਾਂ ਦੀ ਦਾਲ ਡੁਲ ਗਈ, ਕਹਿੰਦਾ ਅਸੀਂ ਡੋਲ੍ਹ-ਡੋਲ੍ਹ ਕੇ ਖਾਨੇ ਹੁੰਨੇ ਆ।
168. ਬੇਹਾ ਹੁੱਕਾ ਅਣ-ਧੋਤਾ ਮੂੰਹ, ਚੰਦਰੀ ਨੂੰਹ , ਬੰਦਿਆਂ ਵੱਲ ਕੰਡ ਤੇ ਕੰਧ ਵੱਲ ਮੂੰਹ, ਇਹ ਤਿੰਨਾਂ ਦੇ ਫਿੱਟੇ ਮੂੰਹ।
169. ਬੇਗਾਨਾ ਗਹਿਣਾ ਪਾਇਆ, ਤੇ ਅੱਧਾ ਰੂਪ ਗਵਾਇਆ।
170. ਬੇਗਾਨੀ ਸ਼ਹਿ 'ਤੇ ਮੁੱਛਾਂ ਨਹੀਂ ਮਨਵਾਈ ਦੀਆਂ।
171. ਬੇਗਾਨੇ ਘਰ ਥੁੱਕਣ ਦਾ ਵੀ ਡਰ।
172. ਬੇਗਾਨੇ ਦਮ, ਸ਼ਾਹੂਕਾਰ ਮੈਂ।
173. ਬੇਗਾਨੇ ਮਹਿਲ ਵੇਖ ਕੇ ਆਪਣੀ ਕੁੱਲੀ ਨਹੀਂ ਢਾਹੀਦੀ।
174. ਬੇਰੀਂ ਬੇਰ ਤੇ ਕਣਕਾਂ ਢੇਰ।
175. ਬੇੜੀ ਤਾਂ ਸੋਨੇ ਦੀ ਵੀ ਡੁੱਬ ਜਾਂਦੀ ਏ।
176. ਬੈਠ-ਬਿਠਾਏ ਖਾਧਿਆਂ, ਖੂਹ ਵੀ ਜਾਣ ਨਿਖੁੱਟ।
177. ਬੈਠਾ ਨਹੀਂ ਦਿਸਦਾ, ਤਾਂ ਖੜਾ ਜਿਆਦਾ ਦਿਸੂ।
178. ਬੈਠੇ ਦੀ ਢੇਰੀ, ਤੇ ਫਿਰਦੇ ਦੀ ਫੇਰੀ।
179. ਬੋਹਲ਼ ਸਾਈਆਂ ਦਾ, ਤੇ ਹਵਾ ਚੂੜ੍ਹਿਆਂ ਦੀ।
180. ਬੋਲ ਨਾ ਸਕੇ, ਬਿਟ ਬਿਟ ਤੱਕੇ।
181. ਬੋਲ਼ਾ ਦੋ ਵਾਰ ਹੱਸਦਾ।
182. ਬੋਲੀਂ ਕਾਜ ਵਿਗਾੜਿਆ, ਜੋ ਮੂਲੀ ਪੱਤਾ।
183. ਬੋਲ਼ੇ ਅੱਗੇ ਗਾਉਣਾ, ਗੂੰਗੇ ਅੱਗੇ ਗੱਲ, ਅੰਨ੍ਹੇ ਅੱਗੇ ਨੱਚਣਾ, ਤਿੰਨੇ ਝੱਲ ਵਲੱਲ।
184. ਬੋਲ਼ੇ ਅੱਗੇ ਗਾਵੀਏ, ਭੈਰੋਂ ਸੋ ਗਉੜੀ।

‘ਭ’ ਅੱਖਰ ਵਾਲੇ ਅਖਾਣ

1. ਭੱਸ ਗਲ਼ਾ, ਲੰਗਾਅ ਗਲ਼ਾ।
2. ਭੰਗ, ਕੰਗ, ਜਵਾਈ ਨੰਗ, ਤਿੰਨੇ ਕਰਦੇ ਨੇ ਤੰਗ।
3. ਭਗਤ ਕੁੱਤਾ ਤੇ ਭਗਵਾਨ ਭੌਂਕੇ ਸਾਰੀ ਰਾਤ।
4. ਭੱਜਦਿਆਂ ਨੂੰ ਵਾਹਣ ਇੱਕੋ ਜਿਹੇ।
5. ਭੱਜੀਆਂ ਬਾਹਾਂ ਗਲ਼਼ ਨੂੰ ਆਉਂਦੀਆਂ ਨੇ ।
6. ਭੱਜੀਆਂ-ਟੁੱਟੀਆਂ ਦੇ ਪੱਤਣ ਮੇਲੇ।
7. ਭੱਠ ਏਹਾ ਦਿੱਤਾ, ਜਿਹੜਾ ਸਾੜੇ ਪਿੱਤਾ।
8. ਭੱਠ ਦੀ ਅੱਗ ਭੱਠੀ ਵਿੱਚ।
9. ਭੱਠ ਪਵੇ ਸੋਨਾ, ਜਿਹੜਾ ਕੰਨਾਂ ਨੂੰ ਖਾਵੇ।
10. ਭੱਠ ਬੁੜੀ ਦੀ ਯਾਰੀ ਤੇ ਉੱਠਣ ਬਹਿਣ ਨੇ ਮਾਰੀ।
11. ਭੰਡਾ-ਭੰਡਾਰੀਆ ਕਿਤਨਾ ਕੋ ਭਾਰ ਇਕ ਮੁੱਠੀ ਚੁੱਕ ਲੈ ਦੂਜੀ ਤਿਆਰ।
12. ਭੰਨ ਘੜਾਈਆਂ ਟੇਢੜੀਆਂ, ਤੇ ਬੂਥੀ ਉਹੋ ਰਹੀ।
13. ਭਰ ਕੁਨਾਲਾ ਛਾਣਿਆ, ਫੱਗਣ ਨਹੀਂ ਸੀ ਜਾਣਿਆ।
14. ਭਰਜਾਈਏ ਨੀ ਭਰਜਾਈਏ, ਚੁੱਲ੍ਹੇ ਚੌਂਕੇ ਉੱਤੋਂ ਘੁਮਾਈਏ, ਮੇਰੇ ਵੀਰੇ ਪਿੱਛੇ ਆਈਏ, ਤੇਰਾ ਕੱਢ ਕਲੇਜਾ ਖਾਈਏ।
15. ਭਰ-ਭਰ ਪੀਤੀਆਂ, ਤੇ ਰੱਬ ਨਾਲ ਗੱਲਾਂ ਕੀਤੀਆਂ।
16. ਭਰਮ ਗਵਾਈਏ ਆਪਣਾ, ਕੋਈ ਨਾ ਦਿੰਦਾ ਵੰਡ।
17. ਭਰਮ ਦਾ ਦਾਰੂ ਮੌਤ।
18. ਭਰਾ ਦੇ ਪੱਜ ਖਾਈਏ, ਤੇ ਭਤੀਜੇ ਦੇ ਭੱਜ ਦੇਈਏ।
19. ਭਰਾ ਭਰਾਵਾਂ ਦੇ ਤੇ ਚਿੱਚੜ ਕਾਵਾਂ ਦੇ।
20. ਭਰਾ ਭਰਾਵਾਂ ਦੇ ਤੇ ਥੁੱਕ ਦਾੜ੍ਹੀ ਪੰਚਾਂ ਦੀ।
21. ਭਰਾ ਭਰਾਵਾਂ ਦੇ, ਤੇ ਢੋਡਰ ਕਾਵਾਂ ਦੇ।
22. ਭਰਿਆ ਹੀ ਉਛਲਦਾ ਏ।
23. ਭਰਿਆ ਮੇਲਾ ਛੱਡਣਾ ਹੀ ਚੰਗਾ।
24. ਭਰੀ ਭੁਕੰਨੀ ਚੁੱਪ ਚੁਪੀਤੀ, ਖੜਕੇ ਕੁੰਨੀ ਸੱਖਣੀ।
25. ਭਰੇ ਸਮੁੰਦਰੋਂ, ਘੋਗਾ ਲੱਭਾ।
26. ਭਰੇ ਤੇ ਭਰਿਆ ਤੇ ਭੱਸ ਗਵਾਇਆ।
27. ਭਲਾ ਹੋਇਆ ਮੇਰਾ ਚਰਖਾ ਟੁੱਟਾ ਜਿੰਦ ਅਜਾਬੋ ਛੁੱਟੀ।
28. ਭਲੇ ਦੇ ਭਾਈ, ਤੇ ਬੁਰੇ ਦੇ ਜਵਾਈ।
29. ਭਲੇ ਮੂੰਹਾਂ ਤੋਂ ਬੁਰੇ ਮੂੰਹ।
30. ਭਲੇਮਾਣਸ ਦੀ ਮਿੱਟੀ ਖਰਾਬ।
31. ਭੜਭੂੰਜਿਆਂ ਦੀ ਕੁੜੀ, ਤੇ ਕੇਸਰ ਦਾ ਟਿੱਕਾ।
32. ਭਾਅ ਚਵਾਨ ਆਈ, ਚਾਨੀ ਸਾਈਂ ਹੋ ਬੈਠੀ।
33. ਭਾਅ ਨਾਲ ਭਰਾ ਕੀ?
34. ਭਾਅ ਬਦਲ ਜਾਂਦਾ, ਪਰ ਸੁਭਾਅ ਨਹੀਂ ਬਦਲਦਾ।
35. ਭਾਈ ਉਹ, ਜੋ ਕਿਸੇ ਨਾਲ ਵਾਹ ਚੱਲੇ, ਨਹੀਂ ਆਪਣੇ ਰਾਹ ਚੱਲੇ।
36. ਭਾਈ ਭਾਅ ਦਾ, ਨਹੀਂ ਆਪਣੇ ਰਾਹ ਦਾ।
37. ਭਾਈ ਭਾ ਵਿਹੂਣੇ, ਭਤਰੀਜੇ ਤਰੀਜੇ।
38. ਭਾਈ ਮਰਨ ਤਾਂ ਜਾਂਦੀਆਂ ਭੱਜ ਬਾਹੀਂ।
39. ਭਾਈਆਂ ਜਹੀ ਬਹਾਰ ਨਹੀਂ, ਜੇ ਖਾਰ ਨਾ ਹੋਵੇ, ਮੀਹਾਂ ਜਹੀ ਬਹਾਰ ਨਹੀਂ, ਜੇ ਗਾਰ ਨਾ ਹੋਵੇ, ਜੂਏ ਜਿਹਾ ਵਪਾਰ ਨਹੀਂ, ਜੇ ਹਾਰ ਨਾ ਹੋਵੇ।
40. ਭਾਗ ਤੇ ਭੂਤਨੇ, ਵੇਖ ਕੇ ਨਹੀਂ ਲੱਗਦੇ।
41. ਭਾਗਹੀਣ ਖੇਤੀ ਕਰੇ, ਸੋਕਾ ਪਵੇ ਜਾਂ ਢੱਗਾ ਮਰੇ।
42. ਭਾਗਹੀਣ ਜੇ ਜੰਝੇਂ ਜਾਇ, ਰਸ ਬਹੇ ਜਾ ਮੁੱਖ ਖਾਇ।
43. ਭਾਜੀ, ਭੋਜਨ, ਨਾਰੀ, ਤਿੰਨੇ ਪਰਦੇ ਤੇ ਅਧਿਕਾਰੀ।
44. ਭਾਂਡਾ ਠਹਿਕੇ, ਭਾਂਡੇ ਨਾਲ਼।
45. ਭਾਤ ਖਾਧੀ ਖਿਸਕੇ, ਪਹਾੜੀਏ ਮਿੱਤ ਕਿਸਕੇ।
46. ਭਾਦਰੋਂ ਕਰੇ ਬਦਰੰਗ, ਗੋਰਾ ਕਾਲਾ ਇੱਕੋ ਰੰਗ।
47. ਭਾਦੋਂ ਦਾ ਵੱਟ ਬੁਰਾ, ਵਿਗੜਿਆ ਜੱਟ ਬੁਰਾ।
48. ਭਾਦੋਂ ਦੇ ਛੜਾਕੇ, ਰੰਨਾ ਗੁੰਨ੍ਹ ਗਵਾਏ ਆਟੇ।
49. ਭਾਦੋਂ ਦੇ ਵਿੱਚ ਵਰਖਾ ਹੋਵੇ, ਕਾਲ਼ ਪਿਛੋਕੜ ਬਹਿ ਕੇ ਰੋਵੇ।
50. ਭਾਬੀ ਦੀਆਂ ਪੂਣੀਆਂ ਦਾ ਦੇਵਰ ਜਲਾਲ।
51. ਭਾਰਾ ਛਾਬਾ ਹਮੇਸ਼ਾ ਨੀਵਾਂ।
52. ਭਾਵੇਂ ਆਪਣਾ ਹੀ ਗੁੜ ਖਾਈਏ ਜੀ।
53. ਭਾਵੇਂ ਮਾਰ ਭਾਵੇਂ ਛੱਡ।
54. ਭੁੱਖ ਨਾ ਪੁੱਛੇ ਸੁੱਚ, ਭਿੱਟ ਨੇਹੁੰ ਨਾ ਪੁੱਛੈ ਜਾਤ।
55. ਭੁੱਖ ਮਿਟੇ ਤੰਦੂਰ ਕੀ? ਢਿੱਡ ਭਰੇ ਤਾਂ ਦੂਰ ਕੀ?
56. ਭੁੱਖੜਾਂ ਦੇ ਦੱਸ ਕੀ ਟਿਕਾਣੇ ? ਰੋਟੀ ਖਾ ਕੇ ਚੱਭਣ ਦਾਣੇ!
57. ਭੁੱਖਾ ਜੱਟ ਮੂਲੀ ਖਾਏ, ਮੂਲੀ ਭੁੱਖ ਵਧੇਰੇ ਲਾਏ।
58. ਭੁੱਖਾ ਜ਼ੋਰੋ ਵੇਚੇ, ਤੇ ਰਾਜਾ ਉਧਾਰੀ ਮੰਗੇ।
59. ਭੁੱਖਾ ਬਾਣੀਆਂ, ਵਹੀਆਂ ਫਰੋਲੇ।
60. ਭੁੱਖਾਂ ਭੜਥੂ ਘੱਤਿਆ, ਲੱਗੇ ਕਲੇਜੇ ਡੌਂਅ,
61. ਭੁੱਖਾ ਮਰੇ, ਤਾਂ ਕੀ ਨਾ ਕਰੇ ?
62. ਭੁੱਖਾ, ਸੋ ਰੁੱਖਾ।
63. ਭੁੱਖਿਆਂ ਤੋਂ ਭਗਤੀ ਨਹੀਂ ਹੁੰਦੀ।
64. ਭੁੱਖਿਆ ਨੀਂਦ ਨਾ ਆਵਈ, ਜੇ ਕੋਈ ਆਖੇ ਸੌਂ।
65. ਭੁੱਖਿਆਂ ਨੂੰ ਗਾਜਰਾਂ ਹੀ ਕੜਾਹ।
66. ਭੁੱਖਿਆਂ ਨੂੰ ਬੇਰ, ਤੇ ਤਿਹਾਇਆਂ ਨੂੰ ਗੰਨੇ।
67. ਭੁੱਖੀ ਮਰਦੀ ਕੁੱਤੀ ਸੇਵੀਆਂ ਖਾਂਦੀ ਆ।
68. ਭੁੱਖੀ ਮਰੇ, ਹਗਾਈ ਠਿਣਕੇ।
69. ਭੁੱਖੇ ਜੱਟ ਕਟੋਰਾ ਲੱਭਾ ,ਪਾਣੀ ਪੀ-ਪੀ ਆਫਰਿਆ।
70. ਭੁੱਖੇ ਦੀ ਧੀ ਰੱਜੀ, ਤੇ ਪਿੰਡ ਉਜਾੜਨ ਲੱਗੀ।
71. ਭੁੱਖੇ ਨੂੰ ਵੇਖ ਕੇ ਦੇਵਾਂ ਨਾ, ਤੇ ਰੱਜੇ ਨੂੰ ਵੇਖ ਕੇ ਜ਼ਰਾਂ ਨਾ।
72. ਭੁੱਖੇ ਬਾਂਕੇ, ਟਾਪਾਂ ਦੇ ਵੈਰੀ।
73. ਭੁੱਖੇ ਮੂਹਰੇ ਪਾਈ ਕਹਾਣੀ, ਜਾਂ ਰੋਟੀ ਜਾਂ ਪਾਣੀ।
74. ਭੁੱਖੇ ਮੂਹਰੇ ਬਾਤ ਪਾਈ, ਕਹਿੰਦਾ ਟੁੱਕ।
75. ਭੁੱਜਿਆ ਦਾਣਾ ਨਹੀਂ ਤਿੜਕਦਾ, ਕੱਚਾ ਹੀ ਤਿੜਕਦਾ।
76. ਭੁੱਜੇ ਦਾਣੇ ਬੜੇ ਸਿਆਣੇ, ਸੁੱਟਣ ਵਾਲੇ ਅੰਨ੍ਹੇ ਕਾਣੇ।
77. ਭੁੱਲ ਗਏ ਸਭ ਲੀਰ ਪਰਾਂਦੇ, ਹੁਣ ਮੌਲਾ ਦਿਨ ਸਿੱਧੇ ਆਂਦੇ।
78. ਭੁੱਲ ਗਏ ਰਾਗ ਰੰਗ, ਭੁੱਲ ਗਈਆਂ ਜੱਕੜੀਆਂ, ਤਿੰਨੇ ਗੱਲਾਂ ਚੇਤੇ ਰਹੀਆਂ, ਲੂਣ ਤੇਲ ਤੇ ਲਕੜੀਆਂ ‌।
79. ਭੁੱਲਾ ਉਹ ਨਾ ਜਾਣੀਏ, ਜੋ ਮੁੜ ਆਵੇ ਘਰ।
80. ਭੁੱਲੀ ਫਿਰਾਂ ਨਮਾਜ, ਮਾਰੀ ਵਖਤਾਂ ਦੀ।
81. ਭੂਆ, ਨੀ ਭੂਆ, ਤੇਰੀ ਕੱਤਣੀ ਚ ਸੂਆ, ਕੀ ਕਰਾਂ ਭਤੀਜੀ ਤੇਰਾ ਫੁੱਫੜ ਖੇਡੇ ਜੂਆ।
82. ਭੂਖੇ ਭਗਤਿ ਨਾ ਕੀਜੈ, ਯਹ ਮਾਲਾ ਅਪਨੀ ਲੀਜੈ ।
83. ਭੇਡ ਸੂਈ ਵੀ ਉਹੋ ਜਹੀ, ਤੇ ਤੂਈ ਵੀ ਉਹੋ ਜਹੀ।
84. ਭੇਡ ਦਾ ਭੱਜਾ ਚੂਕਣਾ, ਕਿਸੇ ਨਾ ਰੋਣਾ ਕੂਕਣਾ।
85. ਭੇਡ ਦਾ ਭਡੂਰਾ ਪੂਰੇ ਦਾ ਪੂਰਾ।
86. ਭੇਡ ਦਾ ਮੁੱਲ ਊਠ ਦਾ ਝੂੰਗਾ।
87. ਭੇਡ ਦੀ ਛੜ, ਗੋਡਿਆਂ ਤਾਈਂ।
88. ਭੇਡ ਦੇ ਖੂਨ ਬਦਲੇ, ਪਿੰਡ ਨਹੀਂ ਮਾਰੀਦਾ।
89. ਭੇਡ ਰੱਖੀ ਉੱਨ ਨੂੰ, ਬੰਨ੍ਹੀ ਖਾਵੇ ਕਪਾਹ।
90. ਭੇਡਾਂ ਤਾਂ ਵਿਗੜੀਆਂ ਹੀ ਸੀ, ਹੁਣ ਲੇਲੇ ਵੀ ਵਿਗੜ ਗਏ।
91. ਭੇਡਾਂ ਨੇ ਤਾਂ ਉੱਨ ਲਵਾਉਣੀ ਐ ਭਾਵੇਂ ਕੋਈ ਲਾਹ ਲਵੇ।
92. ਭੇਡਾਂ ਮਰਨ ਬੇਗਾਨੀਆ ਤੇ ਬੰਤੋ ਰੋਵੇ ਜ਼ੋਰ।
93. ਭੇੜ ਦਾ ਮੁੱਲ, ਤੇ ਊਠ ਦਾ ਝੂੰਗਾ।
94. ਭੇੜੀਆਂ ਦੇ ਫਿਰਕੇ, ਸੌਣ ਸਵੇਲੇ, ਜਾਗਣ ਚਿਰ ਕੇ।
95. ਭੈਣ ਘਰ ਭਾਈ ਕੁੱਤਾ, ਸਹੁਰੇ ਘਰ ਜਵਾਈ ਕੁੱਤਾ
96. ਭੈਣ ਘਰ ਭਾਈ ਕੁੱਤਾ, ਸਹੁਰੇ ਘਰ ਜਵਾਈ ਕੁੱਤਾ, ਸੌ ਕੁੱਤਿਆਂ ਦਾ ਉਹ ਸਰਦਾਰ, ਜੋ ਸਹੁਰਾ ਰਹੇ ਜਵਾਈ ਦਵਾਰ।
97. ਭੈਣੇ ਉਹਦਾ ਕੀ ਭਰਵਾਸਾ, ਕਦੇ ਤੋਲ਼ਾ, ਕਦੇ ਮਾਸਾ।
98. ਭੈੜਾ ਕੁੱਤਾ, ਖਸਮ ਨੂੰ ਗਾਲ਼ਾਂ।
99. ਭੈੜਾ ਰੋਣ ਨਾਲੋਂ ਚੁੱਪ ਹੀ ਚੰਗਾ।
100. ਭੈੜਿਆਂ ਦੇ ਚਾਰ ਚੰਦਰੇ, ਨਾ ਘਰ ਬੂਹੇ ਨਾ ਜੰਦਰੇ।
101. ਭੈੜਿਆਂ ਦੇ ਲੜ ਲੱਗੀ ਆਂ, ਤੇ ਰੋ-ਰੋ ਹੋ ਗਈ ਬੱਗੀ ਆਂ।
102. ਭੈੜੀ ਗਾਂ ਦੇ, ਭੈੜੇ ਵੱਛੇ।
103. ਭੈੜੇ ਭਾਂਡੇ ਦੀ ਭੈੜੀ ਆਵਾਜ਼।
104. ਭੈੜੇ ਭੈੜੇ ਯਾਰ, ਮੇਰੀ ਫੱਤੋ ਦੇ।
105. ਭੋਂ ਰੋਹੀ, ਮਾਂਹ ਲੋਹੀ, ਤਲਵਾਰ ਸਰੋਹੀ, ਰੰਨ ਜੱਟੀ, ਹੋਰ ਸਭ ਚੱਟੀ।
106. ਭੋਂ ਵਾਹਿਆਂ, ਫਸਲ ਗਾਹਿਆਂ, ਤੇ ਜਾਨ ਨਹਾਇਆਂ।
107. ਭੋਏਂ ਵੇਚ ਕੇ ਖਾਣਾ, ਤੇ ਅੰਗੂਠੇ ਦਾ ਚੁੰਘਣਾ ਇੱਕ ਬਰਾਬਰ।
108. ਭੋਲ਼ਾ ਭਾਉ ਗੋਬਿੰਦ ਮਿਲਾਵੈ।
109. ਭੋਲ਼ਾ ਭਾਅ ਤੇ ਪੱਛੋ ਨਾ ਤਾਅ।
110. ਭੋਲ਼ੇ ਕੱਟੇ, ਤੇ ਚੁੰਘਣ ਰੱਜ।
111. ਭੋਲ਼ੇ ਭਾਅ, ਪਛੋ ਨਾ ਤਾ
112. ਭੌਂਕੜ ਕੁੱਤਾ, ਦੰਦ ਨਾ ਮਾਰੇ।
113. ਭੌਰਾਂ, ਭੂੰਡਾਂ ਦੋਸਤੀ ਇਕੋ ਜੇਹੀ ਗੂੰਜ, ਵਾਹ ਪਵੇ ਤਾਂ ਜਾਣੀਏ, ਇਹ ਭੌਰਾ ਇਹ ਭੂੰਡ।

‘ਮ’ ਅੱਖਰ ਵਾਲੇ ਅਖਾਣ 

1. ਮਸ਼ਾਕ  ਬਾਹਮਣੀ, ਸੀਂਢ ਦਾ ਤੜਕਾ।
2. ਮਸ਼ੋਰਾਂ ਦੇ ਦਿਨ ਫਿਰ ਜਾਂਦੇ ਆ ਪਰ ਰੰਡੀਆਂ ਦੇ ਨਹੀਂ।
3. ਮਹਿੰਗਾ ਰੋਵੇ ਇੱਕ ਵਾਰ ਤੇ ਸਸਤਾ ਰੋਵੇ ਵਾਰ-ਵਾਰ।
4. ਮੱਕਿਓਂ ਪਰੇ ਉਜਾੜ।
5. ਮੱਕੇ ਜਾਣਾ, ਤੇ ਮਜੌਰਾ ਨੂੰ ਕੀ ਪੁੱਛਣਾ?
6. ਮੱਖੀ, ਮੱਛੀ, ਇਸਤਰੀ, ਤਿੰਨੇ ਜਾਤ-ਕੁਜਾਤ, ਜਿੱਥੇ ਵੇਖਣ ਹਟ ਵਗੇ ਉਥੇ ਰਹਿਣ ਦਿਨ ਰਾਤ।
7. ਮੰਗ ਵੀ ਮੰਗੀ, ਤੇ ਰਹੀ ਵੀ ਨੰਗੀ।
8. ਮੰਗਣ ਗਿਆ ਸੋ ਮਰ ਗਿਆ, ਮੰਗਣ ਮੂਲੁ ਨਾ ਜਾ।
9. ਮੰਗਤਿਆਂ ਨੂੰ ਘਰ ਇਤਨੇ, ਜਿਤਨੇ ਨੈਣ ਪ੍ਰਾਣ।
10. ਮੰਗਤੇ ਦਾ ਮੰਗਤਾ ਵੈਰੀ।
11. ਮਗਰ ਬੇਗਾਨੇ, ਮੁੱਕੀਆਂ ਬੀਬੀ ਦੇ ਸੰਗ।
12. ਮੰਗਲ ਨਾਧੀ ਜੱਟੀ, ਨਾ ਕੋਈ ਢੱਗੀ ਤੇ ਨਾ ਕੋਈ ਵੱਛੀ।
13. ਮੰਗਿਆ ਗਿਆ ਤੇ ਟੰਗਿਆ ਗਿਆ, ਵਿਆਹਿਆ ਗਿਆ ਤਾਂ ਫਾਹਿਆ ਗਿਆ।
14. ਮੰਗੀਆਂ ਹਰੜਾਂ, ਤੇ ਦਿੱਤੇ ਬਹੇੜੇ।
15. ਮੱਘੀ ਵਿੱਚ ਮਖੇਰਨਾ।
16. ਮੱਚ-ਮੱਚ ਲੜਾਈਏ ਧੇਲੇ ਦਾ ਗੁੜ ਖਾਈਏ।
17. ਮੱਛੀ ਅਜੇ ਦਰਿਆ ਵਿੱਚ, ਰੰਨ ਮਿਰਚਾਂ ਕੁੱਟੇ।
18. ਮੱਛੀ ਹਮੇਸ਼ਾ ਪੱਥਰ ਚੱਟ ਕੇ ਹੀ ਮੁੜਦੀ ਹੈ ।
19. ਮੱਝ ਪਾਂਜੇ, ਘਰ ਆਜੇ, ਗਾਂ ਤੀਜੇ, ਤਾਂ ਡੂੰਮਾਂ ਦੀ ਜੈ।
20. ਮੱਝ ਫਿਰੇ ਠੱਕੇ ਦੀ ਮਾਰੀ, ਮਾਹੀ ਕਰੇ ਚੁੰਘਣ ਦੀ ਤਿਆਰੀ।
21. ਮੱਝ ਮੂਹਰੇ ਬੀਨ ਵਜਾਉਣਾ।
22. ਮੱਝ ਲੋਹੀ, ਭੋਂ ਰੋਹੀ, ਰੰਨ ਜੱਟੀ, ਹੋਰ ਸਭ ਚੱਟੀ।
23. ਮੱਝ ਵੇਚ ਕੇ ਘੋੜੀ ਲਈ, ਦੁੱਧ ਪੀਣੋਂ ਗਏ ਤੇ ਲਿੱਦ ਸੁੱਟਣੀ ਪਈ।
24. ਮੱਝ ਵੇਚ ਕੇ ਘੋੜੀ ਲਈ, ਦੁੱਧ ਪੀਣੋਂ ਗਏ, ਲਿੱਦ ਸਿੱਟਣੀ ਪਈ।
25. ਮੱਝੀਂ ਘਰ ਵਰਿਆਮਾ, ਤੇ ਘੋੜੀਆਂ ਘਰ ਸੁਲਤਾਨਾਂ।
26. ਮੰਡੀ ਇੱਕ ਤੇ ਭਾਅ ਦੋ।
27. ਮਣ ਭਾਵੇਂ ਮਾਣੀਂ, ਤਾਵੀਂ ਕਣਕ ਜਵਾਈਆਂ ਖਾਣੀ।
28. ਮੰਤਰ ਨਾ ਜਾਣੈ ਠੂੰਏ ਦਾ, ਤੇ ਫੜ੍ਹਦਾ ਫਿਰਦਾ ਸੱਪ।
29. ਮਤਲਬੀ ਯਾਰਾਂ ਨਾਲੋਂ ਇਕੱਲੇ ਹੀ ਭਲੇ।
30. ਮਥੁਰਾ, ਤੀਨ ਲੋਕ ਸੇ ਨਿਆਰੀ।
31. ਮੰਦੇ ਕੰਮੀਂ ਨਾਨਕਾ ਜਦ ਕਦ ਮੰਦਾ ਹੋਇ।
32. ਮੰਦੇ ਕੰਮੀ ਨਾਨਕਾ, ਜਦ ਕਦ ਮੰਦਾ ਹੋਇ।
33. ਮਨ ਹਰਾਮੀਂ, ਹੁੱਜਤਾਂ ਢੇਰ।
34. ਮੰਨ ਭਾਣੇ ਨੂੰ, ਖੋਤੀ ਨਹੀਂ ਖਾਂਦੀ, ਦਾਣੇ ਨੂੰ।
35. ਮਨ ਮੰਗੇ ਪਾਤਸ਼ਾਹੀਆਂ, ਮੈਂ ਕਿੱਥੋਂ ਦੇਵਾਂ।
36. ਮਨ ਮੰਨੇ ਦਾ ਮੇਲਾ, ਕੌਣ ਗੁਰੂ ? ਤੇ ਕੌਣ ਚੇਲਾ ?
37. ਮਨ ਮੰਨੇ ਦਾ ਮੇਲਾ, ਤੇ ਗੁਰ ਮੰਨੇ ਦਾ ਚੇਲਾ।
38. ਮਨ ਮਿਲੇ ਦਾ ਮੇਲਾ, ਤੇ ਚਿੱਤ ਮਿਲੇ ਦਾ ਚੇਲਾ।
39. ਮਨਖੱਟੂ ਪੁੱਤ ਤੇ ਖੋਟਾ ਪੈਸਾ, ਔਖੇ ਵੇਲੇ ਕੰਮ  ਜ਼ਰੂਰ ਆਉਂਦੇ ਆ।
40. ਮਨਾਇਆ ਮਿੱਤਰ, ਦੂਣਾ ਵੈਰੀ।
41. ਮੰਨਿਆ ਤਾਂ ਦੇਵੀ ਨਹੀਂ ਤਾਂ ਪੱਥਰ।
42. ਮਰਦ ਤੇ ਘੋੜਾ ਕਦੇ ਬੁੱਢੇ ਨਹੀਂ ਹੁੰਦੇ, ਜੇ ਮਿਲਦਾ ਰਹੇ ਮਸਾਲਾ।
43. ਮਰਦ ਦੀ ਮਾਇਆ ਤੇ ਬਿਰਖ ਦੀ ਛਾਇਆ, ਉਹਦੇ ਨਾਲ ਹੀ ਚਲੀ ਜਾਂਦੀ ਹੈ।
44. ਮਰਦ ਦੀ ਮੁੱਛ, ਤੇ ਜਨਾਨੀ ਦੀ ਗੁੱਤ।
45. ਮਰਦਾ ਕੀ ਨਹੀਂ ਕਰਦਾ?
46. ਮਰਦਾਂ ਭੱਜਣਾ ਮੇਹਣਾ, ਮਹੀਆਂ ਡੁੱਬਣਾ ਲੱਜ।
47. ਮਰਦਾਂ, ਘੋੜਿਆਂ, ਹਾਕਮਾਂ ਕੰਮ ਪੈਣ ਅਵੱਲੇ।
48. ਮਰਦੀ ਦੇ ਮੂੰਹ ਨੂੰ ਘਿਓ ਲਾਇਆ, ਮੇਰੀ ਘਿਓ ਖਾਂਦੜੀ ਮੋਈ।
49. ਮਰਦੀ ਬੁੱਢੜੀ ਗੀਤ ਗਾਵੇ, ਲੋਕਾਂ ਭਾਣੇ ਵਿਆਹ।
50. ਮਰਦੀ ਮਰ ਗਈ ਪਰ ਨਖਰਾ ਨਾ ਗਿਆ।
51. ਮਰਾਂ ਨੀ ਮਰਾਂ, ਕਾਲੇ ਤੇ ਹਰਾਂ, ਹੱਗ ਧਰਾਂ।
52. ਮਰਾਸੀ ਦਾ ਪੁੱਤ ਕਣਕ ਨਾ ਵੱਢੂ ਤੇ ਧੁੱਪ ਵੀ ਨਾ ਸੇਕੂ।
53. ਮਰਿਆ ਸੱਪ ਗਲ ਪਾਉਣਾ।
54. ਮਰੇ ਸ਼ਰਮਾਊ, ਜਿਵੇਂ ਹੜਬੁੱਚ।
55. ਮਰੇ ਦਾ ਕੀ ਮਾਰਨਾ।
56. ਮਲਾਹ ਦਾ ਹੁੱਕਾ, ਸੁੱਕੇ ਦਾ ਸੁੱਕਾ।
57. ਮਲਾਹ ਦੇ ਹੁੱਕੇ ਚ ਪਾਣੀ ਨਹੀਂ ਹੁੰਦਾ।
58. ਮਾਂ ਅੱਕ ਰੂੜੀ, ਪਿਓ ਤਾਂਦਲ, ਪੁੱਤ ਕੇਸਰ ਦੀ ਜੜ੍ਹ।
59. ਮਾਂ ਸ਼ਰਮਾਉਂਦੀ ਅੰਦਰ ਵੜੀ, ਮੂਰਖ ਆਖੇ ਮੈਥੋਂ ਡਰੀ।
60. ਮਾਂ ਸਵਾਈ ਮਾਂ ਸੁੱਖੀ, ਧੀ ਸਵਾਈ ਤਾਂ ਧੀ।
61. ਮਾਂ ਹੱਗੇ ਫੋਸੀ-ਫੋਸੀ ਤੇ ਪੁੱਤ ਗੁਹੀਰੇ ਵੰਡੇ।
62. ਮਾਂ ਹੱਥ ਬਹੁਤ ਕੂਲੇ ਨੇ, ਕਹਿੰਦੀ ਪੁੱਤ ਲੱਗਣਗੇ ਤਾਂ ਪਤਾ ਲੱਗੂ।
63. ਮਾਂ ਕੀ ਤੇ ਮਾਸੀ ਕੀ?
64. ਮਾਂ ਕੁਚੱਜੀ ਪੁੱਤਾਂ ਕੱਜੀ।
65. ਮਾਂ ਗੰਜੀ ਤੇ ਧੀ ਲਿਆਵੇ ਕੰਘੀਂ, ਮਾਂ ਦੇ ਉਲਝੇ ਵਾਲ ਤੇ ਧੀ ਨਾ ਖੜ੍ਹੇ ਨਾਲ਼।
66. ਮਾਂ ਜਿਹੀ ਮਾਸੀ, ਕੰਧ ਐਰੇ ਤੇ ਜਾਸੀ।
67. ਮਾਂ ਟਟੀਹਰੀ, ਪਿਓ ਕੁਲੰਗ, ਬੱਚੇ ਨਿਕਲੇ ਰੰਗ-ਬਿਰੰਗ।
68. ਮਾਂ ਟੁੰਡੀ, ਪਿਓ ਕਾਣਾ, ਪੁੱਤਰ ਮੋਤੀਆਂ ਦਾ ਦਾਣਾ।
69. ਮਾਂ ਦਾ ਪੇਟ ਘੁਮਿਆਰ ਦਾ ਆਵਾ, ਕੋਈ ਚਿੱਟਾ ਕੋਈ ਕਾਲਾ।
70. ਮਾਂ ਦੀ ਸੌਂਕਣ, ਧੀ ਦੀ ਸਹੇਲੀ।
71. ਮਾਂ ਨਾ ਭੈਣ, ਤੇ ਕੌਣ ਪਾਵੇ ਵੈਣ।
72. ਮਾਂ ਨਾਲੋਂ ਹੇਜਲੀ, ਸੌ ਫੱਫੇ ਕੁੱਟਣੀ।
73. ਮਾਂ ਨਾਲੋਂ ਧੀ ਸਿਆਣੀ ਰਿੱਧੇ-ਪੱਕੇ ਪਾਵੇ ਪਾਣੀ।
74. ਮਾਂ ਨੀ ਮਾਂ ਹੁਣ ਮੇਰੇ ਨਾਲ ਕੰਧਾਂ ਵੀ ਲੜਦੀਆਂ ਨੇ।
75. ਮਾਂ ਭਾਵੇਂ ਭੱਠ ਝੋਕਣੀ ਹੋਵੇ, ਬੱਚੇ ਨਹੀਂ ਵਿਸਾਰਦੀ, ਪਿਓ ਭਾਵੇਂ ਖੱਬੀ ਖਾਨ ਹੋਵੇ, ਪਰਵਾਹ ਨਹੀਂ ਕਰਦਾ।
76. ਮਾਂ ਮਰ ਗਈ ਪਾਲ਼ੇ ਨਾਲ, ਤੇ ਧੀ ਦਾ ਨਾਂ ਨਿਹਾਲੀ। (ਰਜਾਈ)
77. ਮਾਂ ਮਰ ਗਈ ਭੁੱਖ ਨਾਲ਼ ਤੇ ਧੀ ਦਾ ਨਾਂ ਰੱਜੀ।
78. ਮਾਂ ਮਰ ਗਈ ਭੁੱਖੀ-ਨੰਗੀ, ਤੇ ਧੀ ਦਾ ਨਾਂ ਲਛਮੀ।
79. ਮਾਂ ਮੇਘਣੀ, ਪਿਓ ਮੜ੍ਹਾਸ, ਪੁੱਤਰ ਦਾ ਨਾਂ ਠਾਕਰ ਦਾਸ।
80. ਮਾਂ ਮੇਰੀ ਨੇ ਨੌ ਪੁੱਤ ਜੰਮੇ, ਕਿਸਮਤ ਵੱਖੋ-ਵੱਖ।
81. ਮਾਂ ਮੇਰੀਆਂ ਸੱਤ ਪਕਾਈ, ਪਰ ਚੁੱਲ੍ਹੇ ਪਿੱਛੇ ਨਾ ਰੱਖੀਂ, ਮੇਰੇ ਹੱਥ ਫੜਾਈਂ।
82. ਮਾਂ ਮੈਂ ਨਾਨਕੇ ਚੱਲਿਆਂ, ਕਹਿੰਦੀ ਕੋਈ ਨਹੀਂ ਪੁੱਤ, ਪੇਕੇ ਤਾਂ ਮੇਰੇ ਹੀ ਆ।
83. ਮਾਂ ਮੋਈ, ਧੀ ਜੰਮੀ, ਫਿਰ ਤਿੰਨਾਂ ਦੇ ਤਿੰਨ।
84. ਮਾਂ ਮੋਈ, ਪਿਓ ਪੱਤਰਿਆ।
85. ਮਾਂ ਲੀਰਾ-ਕਤੀਰਾ, ਪੁੱਤਰ ਘੁਰਚ ਮੂੰਗਲਾ।
86. ਮਾਇਆ ਕੋ ਮਾਇਆ ਮਿਲੇ, ਕਰ-ਕਰ ਲੰਮੇ ਹਾਥ।
87. ਮਾਇਆ ਤੇਰੇ ਤੀਨ ਨਾਮ, ਪਰਸਾ, ਪਰਸੂ, ਪਰਸਰਾਮ।
88. ਮਾਈ ਚੰਗੀ, ਕੇ ਖਾਈ।
89. ਮਾਸ ਦੀ ਰਾਖੀ, ਬਿੱਲਾ।
90. ਮਾਸੀ ਨਹੀਂ ਮਾਂ ਦੀ ਭੈਣ।
91. ਮਾਂਹ ਮੋਠਾਂ ਚੋਂ ਵੱਡਾ ਕੌਣ?
92. ਮਾਂ-ਪਿਓ ਦੀਆਂ ਗਾਲ਼ਾਂ, ਘਿਓ ਦੀਆਂ ਨਾਲਾਂ।
93. ਮਾਪੇ ਤਾਂ ਮਿੱਟੀ ਦੇ ਵੀ ਨਹੀਂ ਮਾਨ।
94. ਮਾਪੇ ਵਿਲਕਣ ਪੁੱਤਰਾਂ ਨੂੰ, ਤੇ ਪੁੱਤਰ ਵਿਲਕਣ ਟੁੱਕਰਾ ਨੂੰ।
95. ਮਾਮਲੇ ਪੈਣ ਤਾਂ ਜਾਣੀਏ, ਉੱਤੋਂ ਕੀ ਪਛਾਣੀਏ।
96. ਮਾਮੇ ਦੇ ਕੰਨੀ ਬੀਰ ਬਲੀਆਂ, ਭਾਣਜਾ ਆਕੜਿਆ ਫਿਰੇ।
97. ਮਾਰੇ ਨਾਲੋਂ ਯਰਕਾਇਆ ਚੰਗਾ।
98. ਮਾਲ ਟੁੱਟੀ ਤੇ ਲੰਡਾ ਭੱਖਿਆ।
99. ਮਾਲ ਨਾਲ ਹੀ ਜਗਾਤ ਹੁੰਦੀ ਹੈ।
100. ਮਾਵਾਂ ਠੰਡੀਆਂ ਛਾਵਾਂ, ਛਾਵਾਂ ਕੌਣ ਕਰੇ।
101. ਮਾਵਾਂ ਨੂੰ ਪੁੱਤ ਪਿਆਰੇ, ਤੇ ਹਾਣੀ ਨੂੰ ਹਾਣ ਪਿਆਰਾ।
102. ਮਾਵਾਂ ਪੁੱਤ ਜਣੇਂਦੀਆਂ, ਕਰਮ ਨਾ ਦੇਂਦੀਆਂ ਵੰਡ, ਇਕ ਚੜ੍ਹੰਦੇ ਘੋੜੀਆਂ, ਇੱਕ ਟੁੱਕੜੇ ਖਾਂਦੇ ਮੰਗ।
103. ਮਾਵਾਂ-ਧੀਆਂ ਮੇਲਣਾ, ਤੇ ਪਿਓ ਪੁੱਤ ਬਰਾਤੀ।
104. ਮਾਵਾਂ-ਧੀਆਂ ਰਿੱਧਾ ਭੱਤਾ, ਮਿੱਠਾ ਬੇਬੇ ਮਿੱਠਾ।
105. ਮਾੜਾ ਢੱਗਾ 36 ਰੋਗ ।
106. ਮਾੜਾ-ਮਾੜੀ ਲੜੇ, ਤੇ ਚੀਕ-ਚਿਹਾੜਾ ਪੜੇ।
107. ਮਾੜੀ ਧਾੜ, ਚਮਾਰਾਂ ਉੱਤੇ।
108. ਮਾੜੇ ਦਾ ਕੀ ਨਿੰਦਣਾ, ਤੇ ਤਕੜੇ ਦਾ ਕੀ ਸਲਾਹੁਣਾ?
109. ਮਾੜੇ ਦੀ ਜਨਾਨੀ ਸਭ ਦੀ ਭਾਬੀ।
110. ਮਾੜੇ ਦੀ ਧੀ ਕਿਸੇ ਨੂੰ ਕੀ ?
111. ਮਾੜੇ ਦੇ ਗੁਣ ਵਿੱਚੇ ਵਿੱਚ।
112. ਮਾੜੇ ਦੇ ਘਰ ਛੰਨਾ, ਤੇ ਸਾਰਾ ਟੱਬਰ ਅੰਨ੍ਹਾ।
113. ਮਿਹਨਤ ਦਾ ਫਲ ਮਿੱਠਾ।
114. ਮਿਹਨਤ ਦਾ ਰੰਗ ਗੂੜ੍ਹਾ।
115. ਮਿਹਨਤ ਨਾ ਜਾਏ ਬਰਬਾਦ ਕਿਸੇ ਦੀ।
116. ਮਿਹਨਤ ਰੰਗ ਜਰੂਰ ਲਿਆਉਂਦੀ ਹੈ।
117. ਮਿੱਠਾ ਮੌਹਰਾ, ਮਿੱਠੀ ਮਾਸੀ।
118. ਮਿੱਠਾ-ਮਿੱਠਾ ਹੱਪ ਤੇ ਕੌੜਾ-ਕੌੜਾ ਥੂਹ।
119. ਮਿੱਤਰਾਂ ਦੀ ਲੂਣ ਦੀ ਡਲ਼ੀ, ਨੀ ਤੂੰ ਮਿਸ਼ਰੀ ਬਰਾਬਰ ਜਾਣੀ।
120. ਮਿੱਤਰਾਂ ਦੇ ਲਾਰੇ ਤੇ ਮੁੰਡੇ ਰਹਿਣ ਕੁਆਰੇ।
121. ਮਿੱਤਰਾਂ ਨਾਲ ਕਰੇਂਦੇ ਠੱਗੀਆਂ, ਥੀਂਦੇ ਜਨਮ ਕਸਾਈ।
122. ਮਿਰਜਾ ਮਰ ਗਿਆ, ਕਿ ਸਾਰੰਗੀ ਟੁੱਟ ਗਈ।
123. ਮਿਲਦਿਆਂ ਦੇ ਸਾਕ, ਤੇ ਵਾਹੁੰਦਿਆਂ ਦੀ ਭੋਂ।
124. ਮਿਲਦੀ ਮੱਝ ਨਹੀਂ, ਤੇ ਲੱਤਾਂ ਕੱਟੇ ਦੀਆਂ ਭੰਨੋ।
125. ਮਿਲੇ ਨਾ ਤੀਰਥ ਨ੍ਹਾਤਿਆਂ, ਡੱਡਾਂ ਜਲ ਵਾਸੀ।
126. ਮੀਆਂ ਜੋੜੇ ਫੱਕਾ-ਫੱਕਾ, ਬੀਬੀ ਮਾਰੇ ਇੱਕੋ ਧੱਕਾ।
127. ਮੀਆਂ ਮੈਨੂੰ ਜਾਣੇ ਨਾ, ਤੇ ਘੜਾ ਘੜਾਵੇ ਟੱਟੂ।
128. ਮੀਸਣੀ ਖਾਵੇ ਤੇ ਮੂੰਹ ਨਾ ਹਿਲਾਵੇ।
129. ਮੀਂਹ ਉੱਠੇ 'ਤੇ, ਤੇ ਚੋਰ ਡਿੱਠੇ 'ਤੇ।
130. ਮੀਂਹ ਆਇਆ ਨਹੀਂ, ਤੇ ਡੱਡੂ ਪਹਿਲਾਂ ਹੀ ਬੋਲਣ ਲੱਗ ਪਏ।
131. ਮੀਂਹ ਜੇਠੀ ਦਾ, ਤੇ ਪੁੱਤ ਪਲੇਠੀ ਦਾ।
132. ਮੀਂਹ ਪਵੇ ਤਾਂ ਡੱਡੂ ਨਿਕਲ ਹੀ ਆਉਂਦੇ ਨੇ।
133. ਮੀਹਾਂ ਦੇ ਵਰਨੇ ਤੇ ਪੁੱਤਾਂ ਦੇ ਜੰਮਣੇ ਆਵਦੇ ਵੱਸ ਥੋੜ੍ਹਾ ਹੁੰਦੇ ਆ।
134. ਮੀਣਾ, ਸਾਹ ਪੀਣਾ।
135. ਮੁਸੀਬਤ ਇਕੱਲੀ ਨਹੀਂ ਆਉਂਦੀ।
136. ਮੁੱਕ ਗਏ ਘੜੇ ਚੋਂ ਦਾਣੇ, ਤੇ ਬਣ ਗਿਆ ਸਿੰਘ ਸਭੀਆ।
137. ਮੁੱਕਾ ਭਲਾ ਵੈਰ ਤੇ ਕਿੱਲੇ ਕੱਟੇ ਖੈਰ।
138. ਮੁੱਗ ਨੇ ਦਾਲ ਤੇ ਰੋਟੀਆਂ, ਹੋਰ ਸਭੇ ਗੱਲਾਂ ਖੋਟੀਆਂ।
139. ਮੁੱਛ ਫੁੱਟ ਗੱਭਰੂ, ਹਿੱਕ ਫੁੱਟ ਨਾਰ, ਸਿੰਗ ਫੁੱਟ ਬਲਦੋਂ, ਬਖਸ਼ੇ ਕਰਤਾਰ।
140. ਮੁੰਡਾ ਤੇ ਰੰਬਾ, ਜਿੰਨਾ ਚੰਡੋ, ਉਨਾ ਹੀ ਚੰਗਾ।
141. ਮੁੰਡਾ ਭਾਵੇਂ ਨਹੀਂ ਜੰਮਿਆ, ਪਰ ਜਾਨ ਤਾਂ ਛੁੱਟੀ।
142. ਮੁੰਡਾ ਭੂਤਨਾ ਕੁੜੀ ਚੁੜੇਲ, ਪੜ੍ਹ ਕੇ ਮੰਤਰ ਕੀਤੇ ਮੇਲ਼।
143. ਮੁੰਡਾ ਮੰਗਿਆ ਤਾਂ ਚਰਖਾ ਕਿੱਲੀ ਟੰਗਿਆ, ਮੁੰਡਾ ਵਿਆਹਆ ਤਾਂ ਚਰਖਾ ਲਾਹਿਆ।
144. ਮੁੰਡਾ ਮਰਜੂ ਤੜਾਗੀ ਨਾ ਟੁੱਟੂ।
145. ਮੁੰਡੇ ਖੇਡਣ ਕੁੜੀਆਂ ਨਾਲ਼, ਨੱਕ ਵਢਾਵਣ ਛੁਰੀਆਂ ਨਾਲ।
146. ਮੁੰਡੇ, ਰੌਲ਼, ਰੰਨਾਂ, ਤਿੰਨੋਂ ਉਜਾੜੇ ਦਾ ਬੰਨਾਂ।
147. ਮੁਦੱਈ ਸੁਸਤ ਤੇ ਗਵਾਹ ਚੁਸਤ।
148. ਮੁੰਨਿਆ ਜੱਟ ਦਾ, ਸਿੱਖਿਆ ਨਾਈ ਦਾ।
149. ਮੁੰਨੀ ਬੱਧੀ ਕੀ? ਤੇ ਖੜੋਤੀ ਕੀ?
150. ਮੁਫਤ ਦੀ ਸ਼ਰਾਬ, ਕਾਜ਼ੀ ਨੂੰ ਵੀ ਹਲਾਲ।
151. ਮੁਫਤ ਦੀ ਗਾਂ ਦੇ ਦੰਦ ਨਹੀਂ ਗਿਣੀਦੇ।
152. ਮੁਰਗੀ ਜਿੰਨੀ ਵੱਡੀ ਹੁੰਦੀ ਹੈ ,ਆਂਡਾ ਉਨਾ ਛੋਟਾ ਦਿੰਦੀ ਹੈ।
153. ਮੁਰਦਾ ਬੋਲੂ, ਖੱਫਣ ਪਾੜੂ।
154. ਮੁਲਕ ਮਾਹੀ ਦਾ ਵੱਸੇ, ਕੋਈ ਰੋਵੇ, ਕੋਈ ਹੱਸੇ।
155. ਮੁੱਲਾਂ ਸਬਕ ਨਾ ਦੇਊ, ਘਰ ਤਾਂ ਮੁੜਨ ਦੇਊ।
156. ਮੁੱਲਾਂ ਝੰਗੜ ਗੱਛੇ ਨਾ, ਤੇਰੇ ਰਿੱਛ ਮਸੀਤੀਂ ਅੱਛੇ ਨਾ।
157. ਮੁੱਲਾਂ ਦੀ ਦੌੜ, ਮਸੀਤ ਤੀਕਰ।
158. ਮੁੜ-ਘੁੜ ਖੋਤੀ ਬੋਹੜਾਂ ਥੱਲੇ।
159. ਮੂੱਸਾ ਭੱਜਿਆ ਮੌਤ ਤੋਂ, ਤੇ ਮੌਤ ਮੂਹਰੇ।
160. ਮੂੰਹ ਕਾਲਾ ਤੇ ਨੀਲੇ ਪੈਰ, ਮੰਗਣ ਤੁਰਿਆ ਨਿੱਤ ਨਿੱਤ ਖੈਰ।
161. ਮੂੰਹ ਖਾਵੇ, ਅੱਖਾਂ ਸ਼ਰਮਾਉਣ।
162. ਮੂੰਹ ਚੁੰਮਾ, ਟੁੱਕ ਦੇਵਾਂ ਨਾ, ਖਾਹ ਬੱਚਾ ਬਥੇਰੀਆਂ।
163. ਮੂੰਹ ਚੁੰਮਿਆ ਸੁੱਤੇ ਪੁੱਤ ਦਾ, ਨਾ ਮਾਂ ਨੂੰ ਠੰਢ ਨਾ ਪੁੱਤ ਰਾਜੀ।
164. ਮੂੰਹ ਜੁੱਟੇ, ਤੇ ਕੂੜ ਨਖੁੱਟੇ।
165. ਮੂੰਹ ਦੀਆਂ ਲਹਿਰਾਂ-ਬਹਿਰਾਂ, ਤੇ ਹੱਥਾਂ ਦੀ ਹੜਤਾਲ।
166. ਮੂੰਹ ਨਹੀਂ ਚੰਗਾ, ਗੱਲ ਹੀ ਚੰਗੀ ਕਰ ਲੈ।
167. ਮੂੰਹ ਨਾ ਮੱਥਾ, ਤੇ ਜਿੰਨ ਪਹਾੜੋਂ ਲੱਥਾ।
168. ਮੂੰਹ ਵਿੱਚ ਸ਼ੇਖ ਫਰੀਦ, ਤੇ ਬਗਲ ਵਿੱਚ ਇੱਟਾਂ।
169. ਮੂੰਹ ਵੀ ਲਾਇਆ ਤੇ ਕੰਮ ਵੀ ਨਾ ਆਇਆ।
170. ਮੂੰਹਾਂ ਨੂੰ ਮੁਲਾਜੇ, ਤੇ ਸਿਰਾਂ ਨੂੰ ਸਲਾਮਾਂ।
171. ਮੂਹੋਂ ਨਿਕਲੀ, ਤੁਰਤ ਪਰਾਈ।
172. ਮੂੰਹੋਂ ਨਿਕਲੇ ਬੋਲ ਦੋਬਾਰਾ ਮੂੰਹ ਚ ਨਹੀਂ ਪੈਂਦੇ।
173. ਮੂਤਣ ਬੈਠਾ ਉਹ ਰਲੂ, ਜੀਹਦੇ ਖੁੱਚੀ ਹੋਊ ਜ਼ੋਰ, ਹੱਗਣ ਬੈਠਣ ਉਹ ਰਲੂ ਜੀਹਦੇ ਘਰ ਦਾ ਹੋਊ ਸਾਥ।
174. ਮੂਰਖ ਖੱਟੇ ਟੋਇ, ਨਾ ਕੋਈ ਹੱਸੇ, ਨਾ ਕੋਈ ਰੋਇ।
175. ਮੂਰਖ ਨੂੰ ਸਮਝਾਉਣਾ ਕੀ, ਤੇ ਪੱਥਰ ਨੂੰ ਕੀ ਪਾਲਾ, ਕੰਬਲ ਭਾਵੇਂ ਲੱਖ ਧੋ ਦੇਈਏ ਅੰਤ ਕਾਲੇ ਦਾ ਕਾਲਾ।
176. ਮੂਰਖਾਂ ਦੇ ਸਿਰ 'ਤੇ ਕਿਹੜਾ ਸਿੰਗ ਹੁੰਦੇ ਆ।
177. ਮੂਲੀ ਤਾਂ ਲੜਾਈ ਤੇ ਗਾਜਰ ਤੋਂ ਮਨੇਵਾਂ।
178. ਮੇਹਣੀ ਘਰ ਨਾ ਉੱਜੜਦੇ, ਕਰਤੂਤੀਂ ਉਜੜਨ।
179. ਮੇਰੀ ਸੱਸ ਦੇ ਚਿਲਕਣੇ ਬਾਲੇ, ਬਾਪੂ ਮੈਨੂੰ ਸੰਗ ਲੱਗਦੀ।
180. ਮੇਲ ਮਾਨੀਂ ਤੇ ਭੁੜਕਣ ਭੁੱਲਰ।
181. ਮੇਲਾ ਮੇਲੀਆਂ ਦਾ, ਪੈਸੇ-ਧੇਲੀਆਂ ਦਾ, ਜਾਂ ਯਾਰਾਂ ਬੇਲੀਆਂ ਦਾ।
182. ਮੈਂ ਤਾਂ ਮੰਜਾ ਛੱਡਦਾ ਪਰ ਮੰਜਾ ਮੈਨੂੰ ਨਹੀਂ ਛੱਡਦਾ।
183. ਮੈਂ ਤੇ ਭਾਬੋ ਇੱਕੋ, ਲੋਕ ਪਵਾਏ ਫਿੱਕੋ।
184. ਮੈਂ ਤੇ ਮੇਰਾ ਬੰਨਾ ਤੀਜੇ ਦਾ ਮੱਥਾ ਭੰਨਾ।
185. ਮੈਂ ਤੇ ਮੇਰਾ ਬੰਨਾ, ਤੀਜੇ ਦਾ ਮੱਥਾ ਭੰਨਾ।
186. ਮੈਂ ਤੈਨੂੰ ਕਿਹੋ ਜਿਹਾ ਲੱਗਦਾਂ, ਅਖੇ ਆਪਣੇ ਦਿਲ ਕੋਲੋਂ ਪੁੱਛ।
187. ਮੈਂ ਵੀ ਰਾਣੀ, ਤੂੰ ਵੀ ਰਾਣੀ, ਕੌਣ ਭਰੂ ਪਾਣੀ ?
188. ਮੈਂਹ-ਗਾਂ ਰਵੇ ਦੀ, ਧੀ-ਭੈਣ ਖਲਣੇ ਦੀ।
189. ਮੈਰਾ ਪੱਟਿਆ ਰੰਨਾ, ਤੇ ਕਸਾਲਾ ਜਵਾਨਾਂ।
190. ਮੋਇਆ ਗਿੱਦੜ ਤੇ ਲੰਮੇ ਹਾਉਕੇ।
191. ਮੋਇਆ ਲੱਗੇ ਕੰਢੇ, ਤੇ ਜਿਉਂਦੇ ਲੱਗੇ ਧੰਦੇ।
192. ਮੋਈ ਰੰਨ ਗਿੱਟੇ ਦੀ ਸੱਟ, ਮਰਦ ਮਰੇ ਤਾਂ ਸਿਰ ਦੀ ਸੱਟ।
193. ਮੋਈ ਰੀਝ ਨਾਲ਼, ਤੇ ਦੱਬੀ ਦਹਿਲੀਜ ਨਾਲ਼।
194. ਮੋਈ ਵੱਛੀ ਬਾਹਮਣਾਂ ਦੇ ਨਾਂ।
195. ਮੋਈ ਵੱਛੀ, ਬਾਹਮਣ ਦੇ ਨਾਂ।
196. ਮੋਏ ਬਾਬੇ ਦੀਆਂ, ਵੱਡੀਆਂ ਅੱਖਾਂ।
197. ਮੋਟੀ ਬੁੱਧ ਮੋਟਾ ਮਾਸ।
198. ਮੋਠਾਂ ਦੀ ਫਲੀ ਚੋਂ ਕਿਹੜਾ ਦਾਣਾ ਵੱਡਾ ਤੇ ਕਿਹੜਾ ਛੋਟਾ।
199. ਮੌਜਾਂ ਕਰਨ ਗੁਮਾਸ਼ਤੇ, ਧਾਹੀਂ ਮਾਰਨ ਸ਼ਾਹ।
200. ਮੌਤ ਨਾ ਮਾਰੀ ਕਿਸੇ ਨੇ, ਸੌ ਮੂਸੇ ਮਾਰੇ।ਜਸਬੀਰ ਵਾਟਵਾਲੀਆ
201. ਮੌਤ, ਗਰੀਬਾਂ-ਗੱਬਣਾਂ, ਸਭ 'ਤੇ ਇੱਕੋ ਜੇਹੀ।

BEST AND BIGGEST COLLECTIONS OF AKHAAN-BY JASBIR WATTAWALI

ੳ ਤੋਂ ਹ ਅੱਖਰ ਤੱਕ ਅਖਾਣ ਇਸ ਲਿੰਕ ’ਤੇ ਕਲਿਕ ਕਰਕੇ ਪੜ੍ਹੋ

ਕ ਤੋਂ ਘ ਅੱਖਰ ਤੱਕ ਅਖਾਣ ਇਸ ਲਿੰਕ ’ਤੇ ਕਲਿਕ ਕਰਕੇ ਪੜ੍ਹੋ

ਚ ਤੋਂ ਝ ਅੱਖਰ ਤੱਕ ਅਖਾਣ ਇਸ ਲਿੰਕ ’ਤੇ ਕਲਿਕ ਕਰਕੇ ਪੜ੍ਹੋ

ਟ ਤੋਂ ਢ ਅੱਖਰ ਤੱਕ ਅਖਾਣ ਇਸ ਲਿੰਕ ’ਤੇ ਕਲਿਕ ਕਰਕੇ ਪੜ੍ਹੋ

ਤ ਤੋਂ ਨ ਅੱਖਰ ਤੱਕ ਅਖਾਣ ਇਸ ਲਿੰਕ ’ਤੇ ਕਲਿਕ ਕਰਕੇ ਪੜ੍ਹੋ

ਯ ਤੋਂ ਵ ਅੱਖਰ ਤੱਕ ਅਖਾਣ ਇਸ ਲਿੰਕ ’ਤੇ ਕਲਿਕ ਕਰਕੇ ਪੜ੍ਹੋ

ਨੋਟ - ਕੁਝ ਅਖਾਣ ਮੁਹਾਵਰਿਆਂ ਵਿਚ ਜਾਤ-ਪਾਤ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ। ਜਾਤ-ਪਾਤ ਦਾ ਇਹ ਪਗਟਾਵਾ ਪੰਜਾਬੀ ਲੋਕ ਧਾਰਾ ਦੇ ਪਿਛੋਕੜ ਨੂੰ ਦਰਸਾਉਣ ਅਤੇ ਪੁਰਾਣੇ ਸਮੇ ਦੇ ਲੋਕਾਂ ਦੀ ਮਾਨਸਿਕਤਾ ਸਮਝਣ  ਲਈ ਕੀਤਾ ਗਿਆ ਹੈ।  ਅਸੀਂਂ ਕਿਸੇ ਤਰ੍ਹਾਂ ਦੀ ਜਾਤ-ਪਾਤ ਹਾਮੀ ਨਹੀਂ ਹਾਂ ਅਤੇ ਨਾ ਹੀ ਇਹ ਪ੍ਰਗਟਾਵਾ ਕਿਸੇ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਲਈ ਕੀਤਾ ਹੈ। 

ਜਸਬੀਰ ਵਾਟਾਂਵਾਲੀਆ

ਦੋਸਤੋ ਪੰਜਾਬੀ ਅਖਾਣਾਂ ਦੀ ਇਹ ਕੁਲੈਕਸ਼ਨ, ਜੋ ਤੁਸੀਂ https://jasbirwattanwalia.blogspot.com ਉੱਤੇ ਪੜ੍ਹ ਰਹੇ ਹੋ, ਇਸ ਨੂੰ ਤਿਆਰ ਕਰਨ ਵਿੱਚ ਕਾਫੀ ਲੰਬੀ ਮਿਹਨਤ ਲੱਗੀ ਹੈ। ਮੈਂ ਕਰੀਬ ਪਿਛਲੇ 15 ਸਾਲਾਂ ਤੋਂ ਇਹ ਅਖਾਣ ਇਕੱਠੇ ਕਰ ਰਿਹਾ ਸੀ। ਜਦੋਂ ਵੀ ਕੋਈ ਬਜ਼ੁਰਗ ਅਖਾਣ ਬੋਲਦਾ ਸੀ ਤਾਂ ਮੈਂ ਚੁੱਪ-ਚੁਪੀਤੇ ਨੋਟ ਕਰ ਲੈਂਦਾ ਸੀ। ਇਹਨਾਂ ਵਿੱਚੋਂ ਬਹੁਤ ਸਾਰੇ ਅਖਾਣ ਸਾਡੇ ਮਾਤਾ ਜੀ, ਸਾਡੇ ਭੂਆ ਜੀ, ਸਾਡੀਆਂ ਚਾਚੀਆਂ, ਮਾਸੀਆਂ, ਤਾਈਆਂ ਮਾਮੀਆਂ, ਆਂਡਣਾ-ਗੁਆਂਢਣਾ ਅਤੇ ਮਰਦ ਬਜ਼ੁਰਗਾਂ ਦੇ ਮੂੰਹੋਂ ਮੈਂ ਸੁਣੇ ਹਨ। ਇਸ ਤੋਂ ਇਲਾਵਾ ਕਾਫੀ ਸਾਰੇ ਅਖਾਣ ਯੂਨੀਵਰਸਿਟੀਆਂ ਦੇ ਵੱਖ-ਵੱਖ ਕੋਸ਼ਾਂ ਤੋਂ ਵੀ ਇਸ ਕਲੈਕਸ਼ਨ ਵਿੱਚ ਸ਼ਾਮਲ ਕੀਤੇ ਹਨ। ਮੇਰੀ ਕੋਸ਼ਿਸ਼ ਰਹੇਗੀ ਕਿ ਇਸ ਕਲੈਕਸ਼ਨ ਨੂੰ ਦਿਨ ਪ੍ਰਤੀ ਦਿਨ ਹੋਰ ਵਧਾਇਆ ਜਾਵੇ। ਇਸ ਕਲੈਕਸ਼ਨ ਦੌਰਾਨ ਅੱਖਰ ਵਾਧਾ ਘਾਟਾ ਭੁੱਲ ਚੁੱਕ ਹੋ ਗਈ ਹੋਵੇ ਤਾਂ ਖਿਮਾ ਦਾ ਜਾਚਕ ਹਾਂ।

ਜਸਬੀਰ ਵਾਟਾਂਵਾਲੀਆ

"Dear Readers,

I am pleased to present this comprehensive collection of Punjabi Akhan and proverbs, carefully curated and available on (https://jasbirwattanwalia.blogspot.com) This repository is the culmination of 15 years of diligent research and intellectual endeavor.

Throughout my journey, I have had the privilege of collecting these Akhan and proverbs from esteemed family members, neighbors, and community elders. Whenever an elder shared a proverb, I would meticulously note it down. Additionally, I have drawn from reputable Akhan-kosh universities to further enrich this collection.

I am committed to continually expanding and refining this collection. Please forgive any errors or omissions that may have occurred during its compilation.

Thank you for exploring this treasure trove of Punjabi wisdom.

Sincerely,

Jasbir Wattanwalia"